JOSHUA 21:44 - Lai (Hakha) Common Language Bible 2006

⁴⁴ Cun Bawipa nih an pupa hna sinah chiat a rak ser bantukte khan, a kenkip ah dinhnak a pek hna. An ral ahohmanh nih an celh hna lo, zeitintiah Bawipa nih an ral hna cu an kut chungah a pek hna.

JOSHUA 21:44 Iomraidhean Croise

2 CHANRELNAK 13:16

Israel mi cu Judah mi hmaiah an zaam i annih cu Pathian nih an kut chungah a pek hna.

EXODUS 23:31

Nan ramri cu Rili Sen in Mediterranean Rili tiang, thetse ram in Zufrates Tiva tiang a si lai. Ram chung i a ummi hna tei khawhnak ṭhawnnak kan pek hna lai i annih cu nan dawi dih hna lai.

EXODUS 33:14

Bawipa nih cun a thawh i, “Na sinah keimah ka kal lai i teinak kan pek lai,” a ti.

ISAIAH 63:14

Cawrun kha ram ṭhatnak nelrawn ah an kanh hna bangin Bawipa nih a mi cu dinhnak a pek hna. Cuticun Bawipa nih khan a mi cu a hruai hna i a min cu thangṭhatnak a hmu.

DEUTERONOMI 2:36

Arnon nelrawn kam i a ummi Aroer in le nelrawn chung i a ummi khua in Gilead tiang, kan ca i a sang tukmi khua pakhat hmanh an um lo; Bawipa kan Pathian nih kan kut chungah an dihlak in a kan pek.

DEUTERONOMI 21:10

“Nan ral hna kha doh awkah nan kal i Bawipa nan Pathian nih nan kut chungah an pek hna i sal ah nan tlaih hna tikah,

HEBRU 4:9

Cucaah Pathian mi hna cu, sabbath dinhnak nih khan a hngah ko rih hna,

JOSHUA 1:13

“Bawipa sal Moses nih, ‘Bawipa nan Pathian nih dinhnak hmun an pek hna i hi ram hi an pek hna lai,’ tiin nawl an pekmi hna kha i cinken tuah u.

JOSHUA 1:15

Bawipa nih nan unau hna cu nanmah bantukin dinhnak a pek hna i Bawipa nan Pathian nih a pek liomi hna ram cu annih zong nih an co hlantiang nan bawmh hna lai. Cun Bawipa sal Moses nih a pekmi hna Jordan ral nichuahlei kam i a ummi ram, nanmah ta a simi ram ah cun, nan kir lai i nan co lai,” tiah a ti.

JOSHUA 1:5

Na nunchung vialte ahohmanh na hmai i a dir khomi an um lai lo; Moses sinah ka um bang khan, nangmah sin zongah ka um lai; kan deuh lai lo i kan hlaw fawn lai lo.

JOSHUA 11:12

Cun cu siangpahrang hna khua vialte le an siangpahrang hna cu Joshua nih a lak hna i vainam in a thah hna, a hrawh cikcek hna, Bawipa sal Moses nih nawl a rak pek bang khan.

JOSHUA 11:23

Cucaah Bawipa nih Moses sinah a rak chim cangmi vialte bantuk khan Joshua nih ram cu a ning piin a lak i an phun ning cio i phawtning khan Joshua nih Israel mi hna sinah ro caah a pek hna. Cun ram cu ral in aa din.

JOSHUA 11:8

Cun Bawipa nih annih cu Israel mi kut chungah a pek hna i an thah hna i, Sidon Ngan le Misrefoth-maim tiang, cun nichuahlei ah Mizpah nelrawn tiang an dawi hna; pakhat hmanh an taan ti lo tiang an thah lengmang hna.

JOSHUA 2:24

Cun annih nih Joshua sinah, “Bawipa nih ram cu a dihlak in kan kut chungah a kan pek taktak ko cang; cu hleiah cu ram chung ummi vialte hna cu kanmah ruangah an therphang ko,” tiah an ti.

JOSHUA 22:4

Cun atu cu Bawipa nan Pathian nih nan unau hna kha bia a kam hna bangin dinhnak a pek cang hna; cucaah kir cang u law, Bawipa sal Moses nih Jordan tiva khattelei ral ah an pekmi hna nan covo a umnak ram i nan inn ah khan kal tuah u.

JOSHUA 22:9

Cucaah Reuben mi hna le Gad mi hna le Manasseh phun cheu cu Kanaan ram chungah a ummi Shiloh khua i Israel mi hna sin cun an ṭhen i an inn ah an kir. Bawipa nih Moses sinin nawl a peknak thawngin an comi an ram Gilead ram ah cun kal awkah an i thawh.

JOSHUA 23:1

Caan saupi hnuah, Bawipa nih Israel mi hna cu an velchum i an ral hna sinin dinhnak a pek hna tik le Joshua cu a upat i a tar ngaingai tikah,