JOSHUA 2:5 - Lai (Hakha) Common Language Bible 2006

⁵ cun kutka khar a si deng, mui ah khan, mi hna cu an chuak; khuazei ah dah mi hna cu an kal ka hngal lo; khulrang in dawi tuah hna u, nan phak ko hna lai,” tiah a ti.

JOSHUA 2:5 Iomraidhean Croise

NEHEMIAH 13:19

Sabbath lai ni i Jerusalem kutka hna ah khua muih hram aa thawk tikah khin, innka cu khar dih awk an si lai tiah nawl ka pek hna i sabbath ni a dih hlantiang hun an si lai lo tiah nawl ka pek fawn hna. Cun sabbath ni ah cun thilrit zeihmanh luhpi an si nakhnga lo, ka sinum hna chungin tlawmpal kha kutka cu ka cawnghter hna.

ISAIAH 60:11

Miphun dang siangpahrang hna nih an chaw le an va cu an ratpi khawh nakhnga, chunzan in na kutka cu i hung zungzal ko hna seh.

JEREMIAH 50:20

Cu caan a phak tikah Israel mi hna chungah sualnak hmuh a si lai lo i Judah mi hna chungah ṭhat lonak hmuh a si lai lo; zeicahtiah ka nuntermi hna cu an sualnak kha ka ngaihthiam hna lai, tiah Bawipa nih a ti.

EZEKIEL 47:12

Cu tiva a kam hnih ah cun rawl ca i a ṭhami thingkung vialte kha an um lai. An hnah cu a uai lai lo i an thei cu dongh ti a um lai lo; thla fate in tuante ah an tlai lengmang lai. Zeicahdah cuticun an si ti ahcun, an tohmi ti kha hmunthiang in a rami a si i an thei cu rawl caah an si i an hnah cu damnak caah an si,” tiah a ti.

JOSHUA 2:4

Sihmanhsehlaw minu nih cun mipa pahnih hna cu a rak lak hna i a rak thuh hna i, “Biatak a si, ka sinah mi cu an ra ko, sihmanhsehlaw khuazei in an rat cu ka hngal lo;

JOSHUA 2:6

Sihmanhsehlaw inncung ah a kaipi hna i a tianmi khumkung lakah khan a thuh hna.

JOSHUA 2:7

Cucaah mi nih cun Jordan tiva lei lam ah khan ti tannak hmun tiangin an dawi hna i, a dawitu hna kha an chuah cangka tein kutka kha an khar.

BIAPHUAN 21:25

Khuapi kutka cu chunnitlak in an i hung zungzal ko, zeitikhmanh ah an i khar lo, zeicahtiah khika ah zan a um ti lo.

1 SAMUEL 19:14

Saul nih amah kha lak awkah mi a hei thlah hna tikah, “A zaw,” tiah a rak ti.