JOSHUA 2:24 - Lai (Hakha) Common Language Bible 2006

²⁴ Cun annih nih Joshua sinah, “Bawipa nih ram cu a dihlak in kan kut chungah a kan pek taktak ko cang; cu hleiah cu ram chung ummi vialte hna cu kanmah ruangah an therphang ko,” tiah an ti.

JOSHUA 2:24 Iomraidhean Croise

EXODUS 15:15

Edom bawi hna cu an thin a phang i Moab mi hna lak i an miṭhawng hna cu a ther in an ther; Kanaan ram i a ummi cu an dihlak in an lung a phang.

EXODUS 23:31

Nan ramri cu Rili Sen in Mediterranean Rili tiang, thetse ram in Zufrates Tiva tiang a si lai. Ram chung i a ummi hna tei khawhnak ṭhawnnak kan pek hna lai i annih cu nan dawi dih hna lai.

PHUNGTHLÛKBIA 25:13

Zumh awk tlak a simi lamkaltu cu, a thlahtu hna caah, facang ṭuan caan i a kikmi hawhra bantuk a si, A bawile lungthin kha a hrimhter.

JOSHUA 1:8

Hi phungbia cauk nih hin na kaa kha chuahtak hlah seh; sihmanhsehlaw a chungah aa ṭialmi vialte ningin tuah awkah ralring tein na um nakhnga, chunzan in mah cucu na ruat lai; zeitintiah khi tikah na lam kha na tluanter lai i khi tikah khua awng na tong lai.

JOSHUA 2:23

Cun mi pahnih hna kha tlang cung cun an rung ṭum ṭhan i tiva cu an tan i Nun fapa Joshua sinah khan an ra; cun an cung i thil a tlungmi vialte kha an chimh.

JOSHUA 5:1

Jordan khattelei ral nitlaklei i a ummi Amor mi hna siangpahrang vialte le rili pawngah a ummi Kanaan mi siangpahrang vialte nih Israel mi caah an tan dih hlantiang Jordan tiva ti cu Bawipa nih a kaoter tiah an theih tikah, Israel mi hna ruangah cun an thin a phang i an chungah thlarau zeihmanh a um ti lo.

JOSHUA 6:2

Cun Bawipa nih Joshua cu a chawnh i, “Zohhmanh, Jeriko cu a siangpahrang he, a miṭhawng ralṭha hna he tiah, na kut chungah kan pek cang.

JOSHUA 8:1

Cun Bawipa nih Joshua cu a chawnh i, “Ṭih hlah, na lung zong dong hlah; ralkap vialte kha i lak hna law, tho law, Ai ah cun hung kal tuah; zohhmanh, Ai khua siangpahrang cu a mi he a khua he a ram he na kut chungah kan pek cang;

BIACEIHTU 1:2

Bawipa nih, “Judah a hung kal lai; zohhmanh u, ram cu amah kut chungah ka pek cang,” tiah a ti.

BIACEIHTU 18:10

Nan hung kal tikah lunghrinnak ngei lomi hna sinah nan hung phan lai. Ram cu a kaupi ko; asi, Bawipa nih nan kut chungah, vawlei cung i a ummi thil zeihmanh a bau lonak hmun cu an pek cang hna,” tiah an ti.

BIACEIHTU 7:9

Khi zan ṭhiamṭhiam ah cun Bawipa nih amah cu, “Tho law, an riahhmun cu vung do tuah, zeitintiah na kut chungah kan pek cang.