JOSHUA 2:2 - Lai (Hakha) Common Language Bible 2006

² Cun Jeriko siangpahrang cu, “Zohhmanh, ram ngiatthlai awkah Israel mi tuzan ah hika ah an ra,” tiah an chimh.

JOSHUA 2:2 Iomraidhean Croise

SALM 127:1

Bawipa nih inn cu a sak lo ahcun, a satu hna rianṭuannak cu santlailo a si; Bawipa nih khua kha a ven lo ahcun, a vengtu hna hngilh loin an umnak cu santlailo a si.

PHUNGTHLÛKBIA 21:30

Fimnak siseh, hngalhnak siseh, chunglei thil purh khawhnak siseh, Bawipa hmaiah cun zeihmanh an si lo.

ISAIAH 43:13

Keimah hi Pathian cu ka si i ka si zungzal ko lai. Ahohmanh ka ṭhawnnak chungin a luat khomi an um lai lo; ka tuahmi kha ahohmanh nih an thleng kho lai lo,” a ti.

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

JOSHUA 2:1

Cun Nun fapa Joshua nih Shittim in a thli tein mi pahnih ram ngiatu ah a thlah hna i, “Va kal u law ram kha va cuan tuah u, Jeriko ko kha,” tiah a ti. Cun an kal i Rahab a min a simi hlawhhlangnu inn ah an lut i khika ah an tlung.

JOSHUA 2:3

Cun Jeriko siangpahrang nih Rahab sinah cun mi a hei thlah hna i, “Na sinah a rami, na inn chungah a lutmi kha rak chuahpi hna; zeicahtiah ram vialte kha ngiatthlai awkah a rami an si,” tiah a ti.

BIACEIHTU 18:2

Cucaah an phun ningpi chungin, Zorah le Eshtaol in, a ṭhawngmi panga, ram cu hung ngiat hung hlathlai awkah, an thlah hna; cun annih nih, “Va kal u law, ram cu hung hlathlai u,” tiah an ti hna. Cun Efraim tlangram kha an phan i Mikah inn kha an phan i khika ah an riak.