JOSHUA 2:12 - Lai (Hakha) Common Language Bible 2006

¹² Cucaah atu cu, nan cungah zaangfahnak ka langhter cang bantukin, nannih zong nih ka pa innchungkhar cungah zaangfahnak nan langhter ve i, hmelchunhnak taktak nan ka pek i,

JOSHUA 2:12 Iomraidhean Croise

GENESIS 21:23

Cucaah cun keimah siseh ka fale si hna seh ka tefa si hna seh, na kan hlen nakhnga lo Pathian hmaiah hin bia i kam. Kei cu na cungah zumhawktlak in ka um, cu bantuk cun nang zong ka cung le na umnak ram cungah hin zumhawktlak na si nakhnga bia i kam,” a ti.

GENESIS 24:3

Van le vawlei uktu Pathian Bawipa min in chiatser in, ka sinah bia i kam ti kan duh. Cu bia kamter kan duhmi cu hihi a si: atu i ka umnak Kanaan ram mi hi ka fapa Isak nupi caah na ṭhi hrimhrim hna lai lo.

GENESIS 24:9

Cucaah a salpa nih cun a bawipa Abraham phei tangah cun a kut kha a chiah i a fialmi kha tuah dingin bia aa kam.

GENESIS 40:14

Cu bantukin na caah thil kalning a tluan tikah ka philh hlah law ka kong kha Faro sinah chimpiak va ka philh hlah. Hi thong chung hin ka luatter ve te.

2 CHANRELNAK 36:13

Cun Pathian min chalh in chiat a sertu Siangpahrang Nebukhadnezzar zong kha a doh; Bawipa, Israel Pathian lei i i mer duh loin a hngawng kha a ṭhawnter i a lung kha a hahter.

ESTHER 8:6

Zeicahtiah, zeitindah ka miphun cung i a tlung ding harnak hmuh cu ka in khawh lai? Zeitindah ka rualchan hna hrawh dih an si hmuh cu ka in khawh lai?” tiah a ti.

EXODUS 12:13

Thisen hi nannih nan umnak inn hmelchunhnak a si lai. Thisen kha ka hmuh tikah nannih cu kan lanhtak hna lai i Izipt ram ka hrem tikah dantatnak nih a chuahtermi rawhralnak cu nan cungah a tlung lai lo.

JEREMIAH 12:16

Cun ka mi hna cu Baal min in chiatser an rak cawnpiak hna bantuk khan, annih zong nih ka mi hna biaknak kha an lungthin dihumnak in an i lak ve i, ‘Bawipa a nun bangin,’ ti in chiat an ser ve ahcun, ka mi hna lakah telh chihmi innchungkhar an si ve lai.

MARKA 14:44

A rawitu nih cun annih kha hmelchunhnak a pek cia hna i, “Ka hnamhmi cu tlaih nan duhmi kha a si lai. Amah cu nan tlaih lai i nan kalpi lai,” tiah a ti hna.

ROM 1:31

an ziaza a ṭhalo, an biakam kha an let lengmang, midang cungah zaangfahnak le zawnruahnak zeihmanh an ngei lo.

1TIMOTE 5:8

Mi pakhatkhat nih a rualchan kha a zohkhenh hna lo ahcun, cun cu nak hmanh in biapi deuh a simi cu, a innchungkhar kha a zohkhenh hna lo ahcun, amah cu zumhnak a hlawmi, Pathian a zum lomi nak hmanh in a ṭha lo deuhmi a si.

JEIM 2:13

Zeicahtiah zaangfahnak a ngei lomi cu Pathian nih a bia a ceih tikah a zaangfah ve lai lo; zeicahtiah zaangfahnak cu biaceihnak nih a tei.

JOSHUA 2:13

cun ka pa le ka nu, ka ṭale le ka unau hna le anmah ta a simi vialte cu nan khamh hna i kan nunnak kha thihnak chungin nan kan chuah naklai, Bawipa min in ka sinah chiatser tuah u,” tiah a ti.

JOSHUA 2:18

Zohhmanh, ram chungah kan rung luh tikah hi hri sen hi na kan chuahternak thlalangawng ah hin na rak hren lai, cun na inn chungah hin na pa le na nu, na ṭale le na pa innchungkhar vialte nan rak pumh hna lai.

JOSHUA 2:19

Na innka in khuachung lam ah ahohmanh an chuah ahcun a thi cu amah lu cungah a si lai i, kannih cu mawhchiat awk kan si lai lo; sihmanhsehlaw na inn chung i a ummi aho cung hmanh ah kut thlak a si ahcun, a thi cu kan lu cungah a si lai.

JOSHUA 6:22

Cun Joshua nih ram a va ngiatu mi pahnih hna sinah khan, “Hlawhhlangnu inn chungah khan va kal u law, minu cu le amah ta a simi vialte cu a sinah chiat nan rak ser bang khan hun chuahpi hna u,” tiah a ti.

JOSHUA 9:15

Cun Joshua nih annih he remnak a ser i annih kha nunter dingah annih he biakamnak a ser; cun aa pummi hruaitu hna nih annih sinah chiat an ser.

BIACEIHTU 1:24

Cun mingiathlaitu hna nih cun mipa pakhat khua chungin a chuah kha an hmuh i, “Zaangfahnak in, khua chung luhnak lam kan hmuhsak tuah, cun nangmah cu ṭha tein kan in ti ve te lai,” tiah an ti.

1 SAMUEL 30:15

Cun David nih amah cu, “Hi bu sinah hin na vun ka kalpi lai maw?” tiah a ti. Cun anih nih, “Kan that lai lo, cun na bawipa sinah kan pe ṭhan lai lo, tiin Pathian min in ka sinah chiat ser law, hi bu sinah hin ka vun in kalpi ko lai,” tiah a ti.