JOSHUA 2:11 - Lai (Hakha) Common Language Bible 2006

¹¹ Cun cucu kan theih cangka tein kan lung cu an ther i nanmah ruangah ahohmanh ralṭha an um ti lo; zeitintiah cunglei van le tanglei vawlei i Pathian a simi cu Bawipa nan Pathian kha a si.

JOSHUA 2:11 Iomraidhean Croise

1 SIANGPAHRANG 8:60

zeitintiah vawleicung mi vialte nih Bawipa cu Pathian a si i a dang ahohmanh an um lo, ti kha an hngalh nakhnga.

2 SIANGPAHRANG 5:15

Khi tikah Pathian mi sinah khan, amah he a mi pawl vialte he an va kir i a hmaika ah khan a va dir cun aa thawh i, “Zohhmanh, Israel ram chungah dah ti lo ah cun, vawlei cung vialte ah Pathian a um lo ti kha ka hngalh; cucaah na sal sin hin laksawng cohlang tuah,” tiah a ti.

NEHEMIAH 6:16

Cun kan ral vialte nih an theih tikah, kan pawngkam i a ummi miphun vialte hna cu an thin a phang i anmah le anmah an i zumhnak kha a ṭum ngaingai; zeicahtiah hi rian cu kan Pathian bawmhnak thawngin liim a si ti kha an hngalh.

ESTHER 8:17

Cun peng kip le khua kip ah khan, siangpahrang nawlbia le biakhiahnak a phaknak paoh ah Judah mi hna caah cun lawmhnak le thanuamnak a um i rawldanghnak an tuah i i dinh ni kha an ser. Cun Judah mi ṭihnak kha an cungah a tlun caah cuka ram mi miphun hna chung cun mi tampi nih Judah mi ka si tiah an i ti.

SALM 102:15

Miphun kip nih Bawipa cu an ṭih lai, vawlei cung siangpahrang vialte nih a ṭhawnnak cu an ṭih lai.

SALM 22:14

Ka thazang a dih cang, vawlei i thletmi ti bantukin a dih cang. Ka ruh vialte kha ka hliahhlok in an pong dih, ka lung cu ka chungah a timi khuailul bantuk a si.

SALM 58:7

Tlang pang i a luangmi ti a loh bantukin lo hna seh, lam i lamh chihmi belh bantukin lo hna seh.

SALM 83:18

Nangmah lawnglawng hi Bawipa na si le vawlei dihlak uktu, Cungnung Bik na si kha hngal hna seh!

EXODUS 15:14

Miphun dang nih khan cucu an theih i a ther in an ther; nau nganfah bantuk a simi ṭihnak nih Filistin mi cu a tlaih hna.

EXODUS 15:15

Edom bawi hna cu an thin a phang i Moab mi hna lak i an miṭhawng hna cu a ther in an ther; Kanaan ram i a ummi cu an dihlak in an lung a phang.

ISAIAH 13:7

Mi cu ahopaoh an kut a thlep lai i an lung a dong lai.

ISAIAH 19:1

Hi bia hi Izipt kong bia a si. Bawipa cu khuadawm aa cit i khulrang in Izipt ram ah a ra. A hmaiah Izipt ram siasal hna cu an ther i Izipt mi hna cu an lung a dong.

EZEKIEL 21:15

An lungre a theih nakhnga le mi tampi an rilh i an tluk nakhnga, Nimtlau bantukin a tleu i mi thahnak ding caah phawimi nam cu an kutka ah ka chiah dih hna.

NAHUM 2:10

An ramh hna, an rok hna, an hlih cikcek hna! An ralṭhatnak cu ti bantuk ah a cang i an khuk cu a ther dih, An kutke cu a tom dih hna i an hmai cu a daang dih.

DEUTERONOMI 1:28

Khuazeika ah cun dah kan hung kal lai? Kan unau hna nih, “Cu mi hna cu kanmah nakin an ngan deuh i an sang deuh; khua hna cu an ngan i an kulhnak hau hna cu van an tawng; cuhleiah Anak tefa hna zong kha khika ah cun kan hmuh fawn hna,” tiin kan lung kha an kan zorter,’ tiah nan ti.

DEUTERONOMI 20:8

Cun cu hleiah bawi hna nih cun mizapi sinah cun, ‘Thinphang le lungder nan um maw? Cu pa cu a inn ah kir ṭhan seh, a hawile lung zong kha amah lung bantukin a zor sual lai,’ tiah an chim lai.

DEUTERONOMI 4:39

cucaah, Bawipa cu vancung ah khin le vawlei cungah hin Pathian a si; a dang ahohmanh an um lo, ti kha nihin cu hngal u law, nan lungchung ah i cinken tuah u.

JOSHUA 14:8

Sihmanhsehlaw keimah he a hung kal ṭimi ka unau hna nih khan mizapi cu an awlok an chonter hna, sihmanhsehlaw kei tu nih cun Bawipa ka Pathian kha fek tein ka zulh.

JOSHUA 2:24

Cun annih nih Joshua sinah, “Bawipa nih ram cu a dihlak in kan kut chungah a kan pek taktak ko cang; cu hleiah cu ram chung ummi vialte hna cu kanmah ruangah an therphang ko,” tiah an ti.

JOSHUA 5:1

Jordan khattelei ral nitlaklei i a ummi Amor mi hna siangpahrang vialte le rili pawngah a ummi Kanaan mi siangpahrang vialte nih Israel mi caah an tan dih hlantiang Jordan tiva ti cu Bawipa nih a kaoter tiah an theih tikah, Israel mi hna ruangah cun an thin a phang i an chungah thlarau zeihmanh a um ti lo.

JOSHUA 7:5

cun Ai khuami nih sawm thum le paruk tluk an rak thah hna i kutka hmailei ah Shebarim tiangin an dawi hna i zuanchuknak ah khan an thah hna. Cun mi zapi cu an thin a phang i ti bantuk an si.

JOSHUA 9:24

Annih nih Joshua cu an leh i, “Bawipa na Pathian nih a sal Moses kha hi ram hi a dihlak in nanmah kha pek awk le nan hmai in hi ram chung i a ummi vialte kha hrawh awkah nawl a pek ti kha fiang tein na sal hna kha an kan chimh i, cucaah nanmah ruangah hin kan nunnak kongah kan thin a phan ngaingai caah mah hi kan tuah.

BIAPHUAN 6:16

Tlang le lungpi cu an auh hna i, “Kan nenh u law bawiṭhutdan cungah a ṭhumi hmai le Tuufa thinhunnak cun kan phen tuah u!