JOSHUA 2:1 - Lai (Hakha) Common Language Bible 2006

¹ Cun Nun fapa Joshua nih Shittim in a thli tein mi pahnih ram ngiatu ah a thlah hna i, “Va kal u law ram kha va cuan tuah u, Jeriko ko kha,” tiah a ti. Cun an kal i Rahab a min a simi hlawhhlangnu inn ah an lut i khika ah an tlung.

JOSHUA 2:1 Iomraidhean Croise

GENESIS 42:16

Cucaah cun mi pakhat i thlah u law amah cu va ko u. Nan chimmi bia hi a hmaan le hmaan lo aa hliah hlan cu a dang cu thong ah nan um lai. Cu ti a si lo ahcun, Faro min chalh in, mingiatu nan si hrimhrim ko,” a ti.

GENESIS 42:9

Anmah kong i mang a manhmi kha a hun hngalh i, “Mingiatu nan si; kan ram a dernak zawn kawl awkah nan ra,” a ti hna.

MIKAH 6:5

Moab siangpahrang Balak nih nan cungah tuah a timhmi kha ruat tuah u, Maw ka mi hna; Cun zeitindah Beor fapa Baalam nih a leh kha ruat fawn tuah u; Bawipa nih nanmah khamhnak caah a tuahmi kha nan hngalh khawh nakhnga, Shittim in Gilgal tiang nan kalnak kha ruat tuah u.

NAMBAR 13:1

Bawipa nih Moses sinah cun,

NAMBAR 13:2

“Israel mi ka pekmi hna Kanaan ram va ngiatthlai awkah mi thlah hna; an pa le phun, phun khat cio khan, pakhat cio na thlah hna lai, anmah lak i hruaitu cio an si lai,” tiah a ti.

NAMBAR 25:1

Israel nih Shittim ah an um lioah Moab fanu hna he khan hlawh an hlang ṭi.

NAMBAR 33:49

Jordan tiva kamah cun Beth-jeshimoth in Abel-shittim tiang, Moab nelrawn ah cun an riak.

MATTHAI 1:5

Salmon cu Boaz pa a si (a nu cu Rahab a si); Boaz cu Obed pa a si (a nu cu Ruth a si); Obed cu Jesse pa a si,

MATTHAI 10:16

“Ngai hmanh u! Cenghngia hrang rual lak i thlahmi tuu bantukin kan thlah hna. Cucaah rul bantukin vaa fim u law ṭhuro bantukin nan nun va nem u.

EFESA 5:5

Hihi fiang tein i theih u: nu le pa sualnak a tuahmi le dawhcah loin khua a sami le a hak a kaumi cu Khrih Pennak chung le Pathian Pennak chungah covo zeihmanh an ngei lai lo (hakkauh hi siasal biak phun khat a si).

HEBRU 11:31

Pathian nawl a ngai lomi hna sinah khan hlawhhlangnu Rahab cu a thi lo, kha a luattertu kha zumhnak a si i cucu mingiatu pawl a rak thuhphenh hna caah khan a si.

JEIM 2:25

Hlawhhlangnu Rahab zong kha, cu bantuk ṭhiamṭhiam cun a si. Pathian he i remnak a hmuhnak cu a tuahnak thawngin a si; Judah mi mingiatu pawl kha a rak luhter hna i lam dang in a chuahter hna.

JOSHUA 1:18

Zei na fial paoh ah na nawlbia kha a ralchanh i na bia kha a almi cu ahohmanh thah a si lai. A ṭhawn bel ṭhawng law, ralṭha ngaiin um ko,” tiah an ti.

JOSHUA 2:2

Cun Jeriko siangpahrang cu, “Zohhmanh, ram ngiatthlai awkah Israel mi tuzan ah hika ah an ra,” tiah an chimh.

JOSHUA 21:31

Helkath le a saṭil tlonnak ram hna le Rehob le a saṭil tlonnak ram hna — khua pali cu pek an si;

JOSHUA 3:1

Zingka tein Joshua cu a tho i Shittim in Israel mi vialte he an i thawh; cun Jordan kha an phan i an tan hlanah khika ah an riak.

JOSHUA 5:10

Israel mi hna cu Gilgal i an riah lioah, Jeriko nelrawn ah cun, cu thla ni hleili ni zanlei ah lanhtak puai kha an tuah.

BIACEIHTU 1:23

Cun Josef hrin hna nih cun Bethel kha ngiatthlai awkah mi an thlah hna. (Cu khua min cu, hlan ah cun Luz ti a si).

BIACEIHTU 18:14

Cun Laish ram ngiat awkah a hung kalmi, mi panga hna nih khan an unau hna cu, “Hi inn hna chungah hin tlangbawi angki le milem tete hna le suaimi milem le thletmi milem an um kha nan hngal maw? Cucaah zeidah nan tuah lai kha ruat tuah u,” tiah an ti hna.

BIACEIHTU 18:17

cun tlangbawi cu kutka luhnak i minung za ruk raltuknak hriamnam aa putmi hna he an dir lioah, ram ngiat awkah a hung kalmi panga hna kha an lut i suaimi milem, tlangbawi angki, milem tete le thletmi milem kha an lak hna.

BIACEIHTU 18:2

Cucaah an phun ningpi chungin, Zorah le Eshtaol in, a ṭhawngmi panga, ram cu hung ngiat hung hlathlai awkah, an thlah hna; cun annih nih, “Va kal u law, ram cu hung hlathlai u,” tiah an ti hna. Cun Efraim tlangram kha an phan i Mikah inn kha an phan i khika ah an riak.