JOSHUA 18:8 - Lai (Hakha) Common Language Bible 2006

⁸ Cucaah mi hna cu an i thawh. Ram kong ṭial awkah a kalmi hna cu Joshua nih bia a beuh hna i, “Ram cu va ṭol dih u law, a kong kha va ṭial u law, ka sinah ra ṭhan u; cun nannih caah Bawipa hmaiah hika ah hin Shiloh ah camcawh fung kan khiahpiak hna lai,” tiah a ti,

JOSHUA 18:8 Iomraidhean Croise

GENESIS 13:17

Cucaah i tim law ram hi a pumpi in ṭol tuah, zeicahtiah a dihlak in nangmah cu kan pek lai,” a ti.

ISAIAH 34:17

Ram a phawtu hna cu Bawipa a si i amah nih an covo cio kha a pek hna lai. Ram chungah cun chan khat hnu chan khat an um lai i anmah ta a si zungzal cang lai.

ROM 14:19

Cucaah daihnak a chuahtertu thil le pakhat le pakhat thazang i peknak a bawmtu thil kha kan i tinh awk an si.

JOSHUA 13:7

Cucaah atu cu hi ram hi phun kua le Manasseh phun cheu hna kha ro caah cheu tuah hna,” tiah a ti.

JOSHUA 15:1

Judah phun caah an innchungkhar ning cio ah an vo cu thlanglei ah Edom ramri, thlanglei bik ah Zin ramlak tiang a phan.

JOSHUA 18:1

Cun Israel mibu cu an ning piin Shiloh ah an i pum i khika ah tonnak thlam kha an bunh; an hmaiah ram cu tei in a um ko.

JOSHUA 18:10

Shiloh ah cun Bawipa hmaiah Joshua nih camcawh fung a khiahpiak hna. Khika ah Joshua nih Israel mi hna cu ram kha a cheuh hna, an vo cio kha, a pek hna.

JOSHUA 18:6

Hmun sarih in cheumi ram kong cu nan ṭial lai i nan ṭialmi cu hika ka sinah nan rak put lai; cun Bawipa kan Pathian hmaiah hika ah nan caah camcawh fung kan khiahpiak hna lai.

JOSHUA 18:9

Cucaah, mi cu an kal i ram cu an ṭol dih; hmun sarih ah an cheumi ram kong cu cauk chungah a khua a khua in an ṭial; cun Joshua sinah Shiloh i an riahhmun ah khan an ra i

1 SAMUEL 14:41

Cucaah Saul nih, “Maw Bawipa, Israel Pathian, zeicahdah nihin cu na sal kha na ka leh lo? Hi mawhnak cu keimah chungah siseh, ka fapa Jonathan chungah siseh, a um a si ahcun, maw Bawipa, Israel Pathian, Urim langhter; sihmanhsehlaw hi mawhnak cu na mi Israel mi chungah a um a si ahcun, Thummim langhter,” tiah a ti. Cun Jonathan le Saul cungah khan a tla i mizapi kha cu an luat.