JOSHUA 18:6 - Lai (Hakha) Common Language Bible 2006

⁶ Hmun sarih in cheumi ram kong cu nan ṭial lai i nan ṭialmi cu hika ka sinah nan rak put lai; cun Bawipa kan Pathian hmaiah hika ah nan caah camcawh fung kan khiahpiak hna lai.

JOSHUA 18:6 Iomraidhean Croise

SALM 105:11

“Kanaan ram cu kan pek lai, cu ram cu nangmah ta a si lai,” a ti.

PHUNGTHLÛKBIA 16:33

Camcawhfung cu phei cungah hrilh a si tawn, sihmanhsehlaw biakhiahnak taktak cu Bawipa sin lawnglawng in a si.

PHUNGTHLÛKBIA 18:18

Pa ṭhawng pahnih cu biaceihnak zung ah bia an i al ahcun, camcawhfung lawng nih an bia kha a khiah khawh.

NAMBAR 33:54

Ram cu nan hrinning cio in camcawh fung khiah in nan co lai; phun ngan deuh cu ro ngan deuh nan pek lai i phun hme deuh cu ro hme deuh nan pek lai; ahohmanh nih camcawh fung khiah in a hmuhmi hmun paoh cu, cu hmun cu amah ta a si lai; nan pupa hna phun ning cio ah nan co lai.

NAMBAR 34:13

Moses nih Israel mi cu nawl a pek hna i, “Mah hihi nannih nih camcawh fung khiah in nan co hnga mi, Bawipa nih phun kua le phun cheu hna sinah pek awk i nawl pekmi ram cu a si;

LAMKALTU 13:19

Kanaan ram chungah miphun phun sarih kha a hrawh hna i a mi hna cu ram ngeitu ah khan a ser hna.

JOSHUA 14:2

Bawipa nih Moses nawl a pek bang khan phun kua le a cheu caah cun an co ning cu camcawh fung zuh in a si,

JOSHUA 18:10

Shiloh ah cun Bawipa hmaiah Joshua nih camcawh fung a khiahpiak hna. Khika ah Joshua nih Israel mi hna cu ram kha a cheuh hna, an vo cio kha, a pek hna.

JOSHUA 18:7

Levi mi hna cu nannih lakah vo an ngei lo, zeitintiah Bawipa tlangbawi an sinak cu an ro a si; cun Gad le Reuben le Manasseh phun cheu nih khan Bawipa sal Moses nih a pekmi hna an vo cu Jordan nichuahlei ral ah khan an co cang,” tiah a ti.

JOSHUA 18:8

Cucaah mi hna cu an i thawh. Ram kong ṭial awkah a kalmi hna cu Joshua nih bia a beuh hna i, “Ram cu va ṭol dih u law, a kong kha va ṭial u law, ka sinah ra ṭhan u; cun nannih caah Bawipa hmaiah hika ah hin Shiloh ah camcawh fung kan khiahpiak hna lai,” tiah a ti,