JOSHUA 18:12 - Lai (Hakha) Common Language Bible 2006

¹² Chaklei kamah an ramri cu Jordan ah aa thawk; cun ramri cu Jeriko chak ah a ummi fing ah a hung kai, cun nitlaklei ah tlangram kha a tan i Beth-aven ramlak ah a dong.

JOSHUA 18:12 Iomraidhean Croise

HOSEA 10:5

Beth-aven i a ummi cawfa-pathian ruangah khan Samaria mi hna cu a ther in an ther; An cawfa-pathian cu sal ah an kalpi caah a biami hna cu an ṭap i tlangbawi hna cu an ai, An sunparnak a simi an siasal ruangah cun mi cu lungrethei in an um.

HOSEA 4:15

Nannih Israel mi cu keimah sinah zumhawktlak loin um hmanh u law Judah mi tu cu, cu bantukin si ve sawh hna hlah seh. Gilgal ah siseh, Bethel ah siseh, va kal in Pathian va bia hlah u; A nungmi Pathian min chalh in khika ah biakamnak va tuah hlah u.

HOSEA 5:8

Gibeah ah muko kha tum u, tuuki kha Ramah ah tum u, Beth-aven ah raltuknak au khan au u law: “Benjamin, nangmah sinah kan ṭang!” tiah ti u.

JOSHUA 16:1

Josef tefa hna vo cu Jeriko pawng Jordan tiva Jeriko tiput hna nichuahlei kap in aa thawk i ramlak ah a lut i Jeriko in Bethel tlangram ah a hung kai;

JOSHUA 18:11

Benjamin phun innchungkhar ca i camcawh fung cu a hung chuak i an comi ram cu Judah phun le Josef phun karlak ah khan a tla.

JOSHUA 2:1

Cun Nun fapa Joshua nih Shittim in a thli tein mi pahnih ram ngiatu ah a thlah hna i, “Va kal u law ram kha va cuan tuah u, Jeriko ko kha,” tiah a ti. Cun an kal i Rahab a min a simi hlawhhlangnu inn ah an lut i khika ah an tlung.

JOSHUA 3:16

cunglei in a rungmi ti kha an dir i lam hlatpi ah Zarethan ram pawng i a ummi khua Adam ah cun a bu in an dir i, Arabah rili, Cite Rili lei i a vung luangmi cu an cat dih; cun Jeriko khua zawn cun mi nih cun an tan.

JOSHUA 6:1

Jeriko khua cu a chunglei he a lenglei he Israel mi hna ruangah cun aa khar khipkhep ko; ahohmanh a chuak a lut an um lo.

JOSHUA 7:2

Joshua nih Jeriko in Bethel nichuahlei i a ummi Beth-aven pawng i a ummi Ai khua ah mi a hei thlah hna i, “Hung kal u law, ram cu hung thlingthla tuah u,” tiah a ti hna. Cun mi cu an hung kal i Ai cu an hung ngiatthlai.

JOSHUA 8:15

Cun Joshua le Israel mi vialte nih khan an hmaiah cun a sung bantukin an i umter i ramlak leiah cun an zaam.

1 SAMUEL 13:5

Cun Filistin mi cu Israel mi kha doh awkah an i pum, rangleng sang thum, rangcung ralkap thong ruk le ke ralkap an tam ning cu rilikam thetse zat; cun an hung kai i Mikmash ah an riak, Beth-aven nichuahlei ah khan.