JOSHUA 18:1 - Lai (Hakha) Common Language Bible 2006

¹ Cun Israel mibu cu an ning piin Shiloh ah an i pum i khika ah tonnak thlam kha an bunh; an hmaiah ram cu tei in a um ko.

JOSHUA 18:1 Iomraidhean Croise

2 SAMUEL 7:6

Israel mi kha Izipt ram in ka chuahpi hna ni thawk in nihin tiang, inn chungah ka um rih lo, sihmanhsehlaw ka umnak ca i puan thlam chungin kaa chawk lengmang ko.

1 SIANGPAHRANG 14:2

Cun Jeroboam nih a nupi kha a thawh i, “Tho law, Jeroboam nupi na si kha hngalh lo dingin i hleng law, Shiloh ah va kal tuah; zohhmanh, khika ah profet Ahijah kha a um, amah cu keimah kha, hi mi hna cungah siangpahrang na si lai, a ka titu kha a si.

1 SIANGPAHRANG 14:4

Jeroboam nupi nih cu bang cun a tuah; a tho i Shiloh ah a kal i Ahijah inn kha a va phan. Ahijah cu khua a hmu kho ti lo, zeicahtiah a kum a upa cang i a mit khua a hmu ti lo.

1 SIANGPAHRANG 2:27

Cucaah Solomon nih Abiathar cu Bawipa tlangbawi sinak khan a chuah i cuticun Shiloh khua chung i Eli chungkhar hna kong Bawipa nih a rak chimmi bia kha a tlinter.

NEHEMIAH 9:24

Cucaah an tefa hna cu an lut i ram cu an co i an hmaiah cun cu ram a rak hlumtu Kanaan mi hna kha na tei hna i annih cu an duhduh in an tuah hna nakhnga an kut chungah an siangpahrang hna le cu ram mi hna cu na chanh hna.

SALM 78:60

Shiloh khua i a ummi an thlam cu a kaltak, minung sin i a umnak a inn cu a kaltak.

SALM 78:66

A ral cu a khirh hna i a tei cikcek hna, ningzak in a thawh in tho kho ti loin a tei hna.

JEREMIAH 26:6

hi inn hi Shiloh bantuk ah ka canter lai i hi khuapi hi vawlei cung miphun vialte caah nihsawh awk thil ah ka ser lai, a ti, na ti hna lai,” tiah a ti.

JEREMIAH 26:9

“Zeicahdah Bawipa min in bia na chim i, hi inn cu Shiloh bantuk a si lai i hi khua cu a chung ummi pakhat hmanh um lo tiangin a ṭiao lai, na ti,” an ti. Cun mi vialte nih cun Jeremiah cu Bawipa inn ah khan an kulh.

JEREMIAH 41:5

Shekhem le Shiloh le Samaria in pa sawm riat an ra. An khahmul kha an i meh i an puan kha an thleh hna i an pum cu an i at, annih nih Bawipa biakinn i pekchanh awkah changvut thawinak le zihmui kha an rak i put.

NAMBAR 32:22

a hmaiah ram cu tei a si hlantiang nan doh ahcun, cu hnuah cun nan kir lai i Bawipa sin le Israel sinah leiba zeihmanh nan ngei lai lo; cun hi ram cu Bawipa hmaiah nan vo a si lai.

LAMKALTU 7:45

Cun a hnu deuh ah a kan hringsortu hna nih kan thlam cu an pupa hna sin khan an lak i Joshua sin i an kal ah khan an i kalpi; an hmai in Pathian nih a dawimi hna ram kha an va lak tikah, thlam kha an i kalpi lengmang i cuka ah cun David chan tiang kha a um.

JOSHUA 18:2

Israel mi hna lakah phun sarih, vo cheuh rih lomi an um.

JOSHUA 18:8

Cucaah mi hna cu an i thawh. Ram kong ṭial awkah a kalmi hna cu Joshua nih bia a beuh hna i, “Ram cu va ṭol dih u law, a kong kha va ṭial u law, ka sinah ra ṭhan u; cun nannih caah Bawipa hmaiah hika ah hin Shiloh ah camcawh fung kan khiahpiak hna lai,” tiah a ti,

JOSHUA 19:51

Mah hna hi tlangbawi Eleazar le Nun fapa Joshua le Israel mi phun hna i an chung cio lu hna nih Shiloh ah Bawipa hmaiah tonnak thlam innka ah camcawhfung khiah in an phawtmi covo cu an si. Cuticun ram phawt cu an lim.

JOSHUA 21:2

Kanaan ram chung i Shiloh khua ah cun annih sinah, “Bawipa nih kannih cu umnak khua hna le kan saṭil ca i tlonnak ram pek dingin Moses sin in nawl a rak pek cang,” tiah an ti.

JOSHUA 22:12

Cu kong cu Israel mi nih an theih tikah Israel mi nih an dihlak in annih kha doh hna awkah Shiloh ah an i pum.

JOSHUA 22:19

Atu cu, nan ram kha a thian lo a si ahcun, Bawipa puan biakinn a dirnak Bawipa ram chungah khan ra ve u law, kan lakah covo i lak ve ko ngat u; sihmanhsehlaw Bawipa tu cu doh hlah u law, Bawipa kan Pathian biakṭheng hleiah a dang biakṭheng sernak in kannih zong kha amah dotu bantuk ah rel chih kan siter ve hlah u.

JOSHUA 22:9

Cucaah Reuben mi hna le Gad mi hna le Manasseh phun cheu cu Kanaan ram chungah a ummi Shiloh khua i Israel mi hna sin cun an ṭhen i an inn ah an kir. Bawipa nih Moses sinin nawl a peknak thawngin an comi an ram Gilead ram ah cun kal awkah an i thawh.

BIACEIHTU 18:31

Cucaah Mikah nih a sermi milem cu, Shiloh i Pathian inn ah a um chung cu, annih nih anmah caah an i chiah.

BIACEIHTU 21:12

Cun Jabesh-gilead i a ummi hna lakah cun pa a hngal rih lomi ngaknu za li an hmuh hna; annih cu Kanaan ram chung i a ummi Shiloh i riahhmun ah khan an ratpi hna.

BIACEIHTU 21:19

Cucaah annih nih, “Zohhmanh, Bethel chaklei, Bethel in Shekhem i a hung kalmi lam nichuahlei, Lebonah thlanglei ah a ummi Shiloh ah kumfatin Bawipa caah puai an tuah tawnmi a um,” tiah an ti.

1 SAMUEL 1:24

Cun hnuk a thlei dih in, kum thum a timi cawtum pakhat le changvut ephah pakhat le mitsur hang cua khat he tiah, amah sinah a hun i kalpi; Shiloh i Bawipa inn ah khan a ratpi; ngakchia cu a note ko.

1 SAMUEL 1:3

Cun hi pa cu kumfate in, Eli fapa pahnih Hofni le Phinehas, Bawipa tlangbawi an sinak Shiloh khua ah khan, ralkapbu Bawipa biak awk le raithawi awkah, amah khua in a hung kal tawn.