JOSHUA 17:1 - Lai (Hakha) Common Language Bible 2006

¹ Cun Manasseh phun kha vo pek an si, amah cu Josef fater kha a si. Manasseh fater Makhir, Gilead pa cu ralkap a si caah Gilead le Bashan kha pek a si.

JOSHUA 17:1 Iomraidhean Croise

GENESIS 41:51

Josef nih cun, “Pathian nih ka temhinnak vialte le ka pa innchungkhar chung mi vialte kha a ka philhter dih hna,” tiin a fapa hmasa bik cu a min ah Manasseh a sak.

GENESIS 41:52

Cun, “Harnak ka innak ram ah Pathian nih fa a ka pek,” tiin a fapa pahnihnak cu Efraim a sak.

GENESIS 46:20

Izipt ram ah On khua tlangbawi Potifera fanu Asenath nih khan Izipt ram ah Josef cu Manasseh le Efraim a hrinpiak hna.

GENESIS 48:17

A pa nih Efraim lu cungah a orhlei kut a chuan kha Josef nih a hmuh tikah a awlok a chong i cucaah a pa kut cu Efraim lu cung khan a lak i Manasseh lu cungah a chiah.

GENESIS 48:18

A pa cu, “Ka pa, hitihin cun a si lai lo. Hi pa hi pei upa deuh a si cu, amah cungah hin ta na orhlei kut kha na chiah,” a ti.

GENESIS 50:23

Efraim fale hna le an fale chin kha a hmuh manh hna. Manasseh fapa Makhir fale kha an chuah tikah Josef nih a innchungkhar chungah a lak hna.

2 SAMUEL 2:9

Gilead le Asshur mi hna le Jezreel le Efraim le Benjamin le Israel vialte cung i siangpahrang ah a ser.

1 CHANRELNAK 2:23

Sihmanhsehlaw Geshur le Aram nih Havothjair, Kenath le a khuate hna kha, khua sawm ruk an chuh hna. Mah vialte hna hi Gilead pa Makhir tefa kha an si.

EZEKIEL 47:13

Hihi Bawipa Pathian bia cu an si: Israel miphun hna nih ram cu co awkah an luh tikah hihi an ramri cu an si lai, Josef nih khan vo hnih a co lai.

EZEKIEL 48:4

Naftali a hun changtu ah nichuahlei in nitlaklei ah i kham in Manasseh covo a si lai.

NAMBAR 26:29

Manasseh fapa hna cu: Makhir, Makhir chung hna pa; Makhir cu Gilead pa a si; Gilead cu, Gilead chung hna pa a si.

NAMBAR 27:1

Cun Josef fapa Manasseh innchungkhar hna chung i Manasseh fapa Makhir i fapa Gilead i fapa Hefer i fapa Zelofehad fanu hna cu an ra, a fanu hna an min cu Mahlah, Noah, Hoglah, Milkah, le Tirzah an si.

NAMBAR 32:33

Cun Moses nih annih Gad fapa hna le Reuben fapa hna le Josef fapa Manasseh phun a cheu cu Amor mi Siangpahrang Sihon ram le Bashan Siangpahrang Og ram, cu ram le a khuapi hna le an pawngkam ram le cu ram chung i a ummi khua vialte he, a pek hna.

DEUTERONOMI 21:17

sihmanhsehlaw, a dawt lomi nupi fapa kha fater a sinak kha a hngalhpi ko lai i a ngeihmi vialte chung khan vo hnih a pek ko lai; zeitintiah amah cu a thazang theitlai hmasa bik a si; fater sinak cu amah ta a si ko.

JOSHUA 17:2

Cun Manasseh phun chung i a taang rihmi hna cu an innchungkhar ning cio ah vo phawt an si, Abiezer, Helek, Asriel, Shekhem, Hefer le Shemida; mah hna hi Josef fapa Manasseh i a tefa hna cu pa lei in an innchungkhar ning cio ah an si.

JOSHUA 22:7

Cun, Manasseh phun i a cheu kha Moses nih Bashan ah covo a pek hna; sihmanhsehlaw a dang a cheu kha cu Joshua nih Jordan in nitlaklei ram ah an unau hna pawngah covo a pek hna. Cun Joshua nih an inn ah a thlah hna i thluachuah a pek hna tikah,

BIACEIHTU 5:14

Efraim in an i thawh, khika in nelrawn ah an kal, Benjamin, nangmah le na mi hna cu an in zulh hna; Makhir in haotu hna, Cun Zebulun in ralbawi fung aa putmi hna cu, an vung kal;