JOSHUA 16:7 - Lai (Hakha) Common Language Bible 2006

⁷ cun Janoah in Ataroth le Naarah tiang a vung kal, Jeriko kha a hei pal pah i Jordan ah a dong.

JOSHUA 16:7 Iomraidhean Croise

1 CHANRELNAK 7:28

Annih nih an covo le an umnak cu Bethel le a pawngkam khua hna, nichuahlei ah Naaran le nitlaklei ah Gezer le a khua hna, Shekhem le a khua hna, Ayyah le a khua hna, an si;

NAMBAR 33:48

Abarim tlang in an tho i Moab nelrawn Jordan tiva kam Jeriko zawn ah an riak;

JOSHUA 16:6

cun ramri cu khika in rili ah a vung kal; chaklei ah ramri cu Mikmethath a si; cun nichuahlei ah ramri cu Taanath-shiloh lei ah aa kuai i a hei lonh i nichuahlei ah Janoah ah a kal,

JOSHUA 3:16

cunglei in a rungmi ti kha an dir i lam hlatpi ah Zarethan ram pawng i a ummi khua Adam ah cun a bu in an dir i, Arabah rili, Cite Rili lei i a vung luangmi cu an cat dih; cun Jeriko khua zawn cun mi nih cun an tan.

JOSHUA 6:1

Jeriko khua cu a chunglei he a lenglei he Israel mi hna ruangah cun aa khar khipkhep ko; ahohmanh a chuak a lut an um lo.

JOSHUA 6:26

Khi tikah Joshua nih chiatser in, “A tho i hi Jeriko khua a sa ṭhanmi cu Bawipa hmaiah chiatserh si seh. A fater luhloh in a hram lung cu a phum lai i A fapa hniang bik luhloh in a kutka cu a bunh hna lai,” tiah a ti hna.