JOSHUA 15:11 - Lai (Hakha) Common Language Bible 2006

¹¹ ramri cu Ekron fing tiang chaklei ah a kal, cun Shikkeron leiah aa kuai i Baalah Tlang leiah a kal i Jabneel ah a chuak; cun ramri cu rili ah a dong.

JOSHUA 15:11 Iomraidhean Croise

2 SIANGPAHRANG 1:16

cun anih nih a thawh i, “Bawipa nih hi bangin, ‘Nangmah nih Ekron khua pathian Baal-zebub cu va hal awkah lamkal na thlah hna caah, — mah cucu Israel ram ah hin hal awk Pathian a um lo caah maw a si? — cucaah na hung kainak ihkhun khan na ṭum ti lai lo, sihmanhsehlaw na thi hrimhrim lai,’ a ti,” tiah a ti.

2 SIANGPAHRANG 1:6

Cun annih nih amah cu, “Kannih ton awkah khan mipa pakhat a ra i kannih cu a kan thawh i, ‘An thlahtu hna siangpahrang sinah khan va kir u law amah cu, ‘Hi bangin Bawipa nih a ti, Israel ram chungah Pathian a um lo caah maw Ekron khua pathian Baal-zebub kha va hal awkah mi na thlah hna? Cucaah na hung kainak ihkhun khan na ṭum ti lai lo, sihmanhsehlaw na thi hrimhrim lai,’ a ti tiah va chim u a kan ti,” tiah an ti.

2 CHANRELNAK 26:6

A chuak i Filistin mi kha a doh hna i Gath kulhnak vampang le Jabneh kulhnak vampang le Ashdod kulhnak vampang kha a chimh dih hna; cun Ashdod ram chung le Filistin mi hna lak hmun dang ah khan khua a ser hna.

NAMBAR 34:6

“Nitlaklei ramri caah cun Rili Ngan le a kam kha nan tin lai; mah cucu nitlaklei nan ramri a si lai.

JOSHUA 15:10

ramri cu Baalah nitlaklei ah Seir Tlang leiah aa let, Jearim Tlang (cucu Khesalon) chaklei fing kha a zulh i Beth-shemesh tiang a vung kal i Timnah pawng in a lan;

JOSHUA 15:12

Cun nitlaklei ramri cu Rili Ngan le a kam cu a si. Mah hihi Judah phun, an innchungkhar ning cio in, an velchum i an ramri cu a si.

JOSHUA 15:45

Ekron, a khuapi hna le a khuate hna he;

JOSHUA 15:9

cun ramri cu tlangpar cun Neftoah Ti a putnak tiang a vung kal i cuka cun Efron Tlang khua hna tiang a lan; cun ramri cu Baalah (cucu Kiriath-jearim) leiah aa kuai i

BIACEIHTU 1:18

Cun Judah nih Gaza le a pawngkam ram. Ashkelon le a pawngkam ram le Ekron le a pawngkam ram hna zong cu a lak hna.

1 SAMUEL 17:52

Cun Israel mi le Judah mi hna cu an tho i an au i Filistin mi cu Gath le Ekron hauka tiang an dawi hna, cucaah hliammi Filistin mi hna cu Shaaraim in Gath le Ekron tiang lampi ah an ril liangluang ko.

1 SAMUEL 5:10

Cucaah Pathian kuang cu Ekron ah an kuat. Sihmanhsehlaw Pathian kuang cu Ekron ah a phak tikah, Ekron khuami hna nih cun, “Kanmah le kan mi hna kha thah awkah Israel Pathian i a kuang cu kan sinah an ratpi,” tiah an au.

1 SAMUEL 5:8

Cucaah Filistin bawi vialte kha an cah an pumh hna i, “Israel Pathian i a kuang hi zeitindah kan tuah lai?” tiah an ti. Annih nih, “Israel Pathian i a kuang cu Gath hrawngah ratpi si tuah seh,” tiah an leh hna. Cucaah Israel Pathian i a kuang cu cuka ah cun an kalpi.

1 SAMUEL 7:14

Israel mi hna sinin Filistin mi nih an rak lakmi khua hna kha, Ekron in Gath tiang, Israel sinah pek ṭhan an si i, Filistin mi hna kut chungin Israel mi nih an ram cu an chanh khawh ṭhan. Israel mi le Amor mi hna karlak zongah daihnak a um.