JOSHUA 13:2 - Lai (Hakha) Common Language Bible 2006

² Mah hihi a tang rihmi ram cu a si; Filistin mi hna ram a dihlak le Geshur mi ram a dihlak.

JOSHUA 13:2 Iomraidhean Croise

GENESIS 10:14

Pathrus le Kasluh le Kaftor mi hna pa kha a si i cu hna chung cun Filistin mi kha an chuak.

GENESIS 26:1

Mangṭam a dang a tlung ṭhan, Abraham chan i hlan deuh i a tlungmi hleiah khan. Cucaah cun Isak cu Filistin mi Siangpahrang Abihmalek sin Gerar khua ah a va kal.

2 SAMUEL 15:8

Zeitintiah na sal nih Aram ram Geshur i ka um lioah biahrennak pakhat ka rak tuah i, ‘Bawipa nih Jerusalem ah a ka kirpi taktak ahcun, Bawipa sinah biaknak ka pekchanh lai,’ tiah ka rak ti,” tiah a ti.

2 SAMUEL 3:3

a pahnihnak cu Karmel ram Nabal nupi ro Abigail i fapa Khileab a si; a pathumnak cu Geshur siangpahrang Talmai i fanu Maakah i fapa Absalom a si;

JOEL 3:4

“Tair le Sidon le Filistia ram vialte hna, ka cungah zeidah tuah nan i timh? Ka tuahmi kha cham nan ka timh maw? Nan ka timh a si ahcun khulrang in keimah nih kan cham hna lai!

ZEFANIAH 2:5

Rili kam ram i khua a sami Kereth miphun hna, ngai tuah u, Bawipa bia cu nanmah ralchanh in chim a si cang; Filistin mi hna, nan ram cu ka tei lai i ka hrawh cikcek lai i a chungah ahohmanh um loin ka tuah lai;

DEUTERONOMI 3:14

Manasseh phunmi Jair nih Argob ram vialte cu a lak dih, mah cucu Bashan kha a si, Geshur mi hna le Maakath mi hna ramri tiang khan; cun khuate hna cu amah min a sak hna i tu chan tiangin Havvoth-jair tiah ti a si.)

JOSHUA 12:5

Amah nih Hermon Tlang le Salekah le Bashan vialte, Geshur mi hna le Maakath mi hna ramri tiang, cun Gilead ram hnarcheu Heshbon siangpahrang Sihon ramri tiangin a uk.

JOSHUA 13:11

cun Gilead ram le Geshur mi hna le Maakath mi hna ram le, Hermon tlang vialte le, Bashan dihlak Salekah tiangin;

JOSHUA 13:13

Sihmanhsehlaw Geshur mi si hna seh, Maakath mi si hna seh, Israel mi nih an dawi hna lo; Geshur le Maakath cu nihin ni tiang hin Israel mi lakah an um ko.

BIACEIHTU 3:1

Mah miphun hna hi Bawipa nih Kanaan ram chung i raldohnak zeihmanh a hngal lomi Israel mi vialte kha, hneksaknak ding ca i a nganhtami cu an si;

1 SAMUEL 27:8

Cun David le a mi hna cu an hung kal i Geshur mi le Girzi mi le Amalek mi kha an hung chim hna; zeitintiah hi hna cu hlan liopi in hi ram chung mi, Izipt ram leiah Shur tiangin a ummi an si.