JOSHUA 11:9 - Lai (Hakha) Common Language Bible 2006

⁹ Cun Bawipa nih a fial bantukin Joshua nih an cungah a tuah; an rang kha an tha an pheh hna i an rangleng kha mei in a khangh hna.

JOSHUA 11:9 Iomraidhean Croise

GENESIS 49:6

An biathli ah khan kaa tel duh lai lo, an i pumhnak ah khan ka um duh lai lo, zeicahtiah an thin a hun tikah mi kha an thah hna i siamsaknak men ah cawtum kha an tha an pheh hna.

2 SAMUEL 8:4

Cun David nih amah sin khan rangcung ralkap thong khat le za sarih le ke ralkap sang hnih a tlaih hna i David nih leng hnuktu rang vialte kha an tha a pheh dih hna, sihmanhsehlaw rangleng za khat ca i a za ding lawnglawng kha a nganh hna.

SALM 46:10

“Raldohnak kha ngol u” a ti hna, “Cun keimah cu Bawipa ka si hi hngal tuah u, miphun vialte hna a uktu cu ka si i, vawlei pumpi ah a ngan bikmi cu ka si,” a ti.

NAHUM 2:13

Nangmah cu kaan ralchanh, tiah Bawipa nih a ti. Naa porhlawtnak cu meikhu bangin dih lakin ka chuahter lai i Vainam nih na fale cu a thah hna lai. Vawlei cungah hin sa seh awk kan nganhpiak ti lai lo i Na rawl ei thawng cu theih a si ti lai lo.

JOSHUA 11:6

Cun Bawipa nih Joshua cu a chawnh i, “Annih kha ṭih hna hlah, zeicahtiah thaizing atu tikah hin an dihlak in thah cia in Israel mi sinah ka pek hna lai; an rang cu an tha nan pheh hna lai i an rangleng cu mei in nan khangh hna lai,” tiah a ti.