JOSHUA 11:2 - Lai (Hakha) Common Language Bible 2006

² chaklei tlangram i a ummi siangpahrang hna le Khinneroth thlang Arabah i a ummi siangpahrang hna le rawnram i a ummi siangpahrang hna le nitlaklei Nafoth-dor i a ummi siangpahrang hna le

JOSHUA 11:2 Iomraidhean Croise

1 SIANGPAHRANG 15:20

Cun Benhadad nih Siangpahrang Asa kha a bia a ngaih i a ralkapbu haotu hna kha Israel mi khua doh awkah a thlah hna i Ijon, Dan, Abel-beth-maakah le Khinneroth vialte kha, Naftali ram vialte he an tei dih.

1 SIANGPAHRANG 4:11

Nafath-dor vialte ah Ben-abinadab (Solomon fanu Tafath kha a nupi a si);

NAMBAR 34:11

Ramri cu Shepham in Ain nichuahlei i a ummi Riblah tiang a vung kal lai; ramri cu a vung kal lai i nichuahlei ah Khinnereth rili a liang tiang a vung phan lai;

LUKA 1:39

Cu hnu tlawmpal ah Mary cu aa tim i Judah tlangram i a ummi khua pakhat ah khan khulrang in a hung kal.

LUKA 5:1

Ni khat cu Genesaret Tilikam ah Jesuh cu a dir lioah khan mi tampi nih Pathian bia theih awkah amah cu an buthnawh.

JOSHUA 10:40

Cu bangin Joshua nih ram cu a ning piin, tlangram siseh, Negeb siseh, rawnram siseh, tlangpangzau siseh, an siangpahrang vialte he a tei dih hna; pakhat hmanh a zuah hna lo, Bawipa Israel Pathian nih nawl a pek bang khan thaw a chuah paohpaoh cu a hrawh dih cikcek hna.

JOSHUA 10:6

Cun Gibeon mi hna nih cun Joshua cu Gilgal riahhmun ah cun an hei cah i, “Na sal hna cungin na kut kha dorh hlah; khulrang in hung law, kan khamh law, kan bawm tuah; zeitintiah tlang cungah khua a sami Amor mi siangpahrang vialte kha kanmah doh awkah an i pum,” tiah an ti.

JOSHUA 11:16

Cucaah Joshua nih cu ram vialte, tlangram le Negeb vialte le Goshen ram vialte le rawnram le Arabah le Israel tlangram le a rawnram cu,

JOSHUA 11:21

Cun khi caan ah Joshua cu a ra i tlangram a simi Hebron, Debir, Anab le Judah tlangram vialte in le Israel tlangram vialte in Anak mi cu a hloh dih hna; Joshua nih an khua hna he a hrawh cikcek hna.

JOSHUA 12:23

Nafath-dor ah a ummi Dor siangpahrang, pakhat; Galilee ah a ummi Goi-im siangpahrang, pakhat;

JOSHUA 12:3

cun Arabah zong, Khinneroth Rili tiang nichuahlei kam zuahmah in, cun Beth-jeshimoth leiah Arabah rili tiang, cucu Cite Rili a si, cun thlanglei ah Pisgah tlangpangzau hram tiangin.

JOSHUA 13:27

cun nelrawn chungah Heshbon siangpahrang Sihon pennak a taangmi, Beth-haram, Beth-nimrah, Sukkoth le Zafon; a ramri cu Jordan tiva Khinneroth Rili a thlanglei kam tiang a si; cu ram cu Jordan tiva ral nichuahlei ram cu a si.

JOSHUA 17:11

Cun Issakhar le Ahser chung zongah cun Beth-shean le a khuate hna, Ibleam le a khuate hna, Dor le a khuate hna, i a ummi hna Endor le a khuate hna i a ummi hna Taanak le a khuate hna i a ummi hna, Megiddo le a khuate hna i a ummi hna cu Manasseh ta an si; a pathumnak cu Nafath a si.

BIACEIHTU 1:27

Manasseh nih Beth-shean le a khuate hna i a ummi si hna seh, Taanak le a khuate hna i a ummi si hna seh, Dor le a khuate hna i a ummi si hna seh, Ibleam le a khuate hna i a ummi si hna seh, Megiddo le a khuate i a ummi si hna seh, a dawi hna lo; sihmanhsehlaw Kanaan mi hna cu cu ram ah cun an i benh peng ko.