JOSHUA 11:15 - Lai (Hakha) Common Language Bible 2006

¹⁵ Bawipa nih a sal Moses kha nawl a pek bangin Moses nih Joshua kha nawl a pek chin i cu bang cun Joshua nih a tuah; Bawipa nih Moses nawl a pekmi vialte kha pakhat hmanh a hrelhmi an um lo.

JOSHUA 11:15 Iomraidhean Croise

2 CHANRELNAK 30:12

Bawipa bia in siangpahrang le a bawi pawl nih an chimhmi hna tuah awk i lungthin khat ngeih awkah Pathian kut cu Judah cungah khan a um fawn.

NAMBAR 33:50

Cun Bawipa nih Moses cu, Moab nelrawn Jordan tiva kam Jeriko zawn ah cun a chawnh i,

NAMBAR 33:52

nan hmai in cu ram i a ummi vialte cu nan dawi hna lai i an lung ṭial vialte kha nan hrawh lai i, thletmi an siasal vialte kha nan hrawh lai i, an khuahrum bo vialte kha nan chimh dih lai.

MATTHAI 23:23

“Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna! Tihang ṭamhnak puṭinan tehna, hamhhuai tehna, aithing tehna hmanh kha cheu hra ah cheu khat Pathian sinah nan pek, sihmanhsehlaw Nawlbia nih biapi taktak a si a timi dinnak le mi zaangfahnak le zumhtlakmi sinak hna cu zeihmanh ah nan rel ṭung lo; hi hna hi pei nan tuah awk a si cu, a dang zong kha daithlanh hlei loin.

LUKA 11:42

“Farasi mi hna, nan caah ṭihnung a va si dah! Pathian sinah, tihang ṭamhnak puṭinan tehna, khamhmuai tehna, anthor tehna le a dangdang kha cheu hra ah cheu khat lengmang nan pek ko, sihmanhsehlaw biading le Pathian dawtnak kha nan thlahdorh. A dang kha thlahdorh hlei loin pei hi hna hi nan tuah awk a si cu.

LAMKALTU 20:20

Nannih kha zapi lakah siseh, nan inn cio ah siseh, phung kan chimh hna i kan cawnpiak hna tikah nan ca i a ṭha dingmi kha zeihmanh ka nganhtakmi a um lo ti kha nan hngalh.

LAMKALTU 20:27

Zeicahtiah Pathian nih aa tinhmi kha a dihumnak in kan chimh dih cikcek hna i ka nganhmi zeihmanh a um lo.

DEUTERONOMI 12:32

“Nawl kan pekmi hna thil vialte kha ralring tein nan tuah hna lai; nan chap lai lo, nan zuk fawn lai lo.

DEUTERONOMI 31:3

Bawipa nan Pathian cu amah hrimhrim nan hmaiah a kal lai; hi miphun hna cu nan hmaiah a hrawh hna lai, cucaah nan pawnchuah hna lai; Joshua nih hmai an sak hna lai, Bawipa nih a chim bang khan.

DEUTERONOMI 31:5

Bawipa nih annih cu an pek hna lai i, kan pekmi hna nawlbia vialte bantuk khan an cungah nan tuah lai.

DEUTERONOMI 31:7

Cun Moses nih Joshua cu a kawh i Israel mi vialte hna hmaiah a sinah, “Ṭhawng law, ralṭha in um tuah, zeitintiah Bawipa nih annih kha pek awkin an pupa hna sinah chiat a rak sermi ram chungah khan, hi mi hna he hin na kal lai i, annih cu na coter hna lai.

DEUTERONOMI 4:2

Bawipa nan Pathian nawlbia kan pekmi hna cu nan ulh nakhnga, nawlbia kan pekmi hna hi nan chap lai lo, nan zuk fawn lai lo.

DEUTERONOMI 4:5

Zohhmanh, nannih nih co awk i nan luhhnawhmi ram ah nan tuah hna nakhnga, Bawipa ka Pathian nih nawl a ka pek bangin nawlbia le phunglam hna cu kan cawnpiak cang hna.

DEUTERONOMI 7:2

Bawipa na Pathian nih annih cu nangmah kha an pek i na tei hna tikah, khi tikah annih cu na hrawh cikcek hna lai; annih he biakamnak na ser lai lo i an cungah zaangfahnak na ngei lai lo.

JOSHUA 1:7

Moses ka sal nih nawl an pekmi phungbia vialte ningin ralring tein tuah awkah, a ṭhawn bel ṭhawng ngai le ralṭha ngaiin um ko; khuazei ka na kalnak hmanh ah khuaawng na pemh nakhnga, orhlei ah siseh kehlei ah siseh i mer hlah.

JOSHUA 11:12

Cun cu siangpahrang hna khua vialte le an siangpahrang hna cu Joshua nih a lak hna i vainam in a thah hna, a hrawh cikcek hna, Bawipa sal Moses nih nawl a rak pek bang khan.

JOSHUA 11:14

Cun hi khua hranchaw vialte hna le saṭil hna cu Israel mi nih hranchaw ah an i lak dih; sihmanhsehlaw mi cu an hrawh dih hna hlantiang nam in an thah hna i thaw a chuahmi pakhat hmanh an ngan ta hna lo.

JOSHUA 11:16

Cucaah Joshua nih cu ram vialte, tlangram le Negeb vialte le Goshen ram vialte le rawnram le Arabah le Israel tlangram le a rawnram cu,

1 SAMUEL 15:11

“Saul cu siangpahrang i ka rak ser caah hin kaa ngaichih; zeicahtiah keimah zulhnak in aa mer cang i ka nawlbia kha a tuah hna lo,” tiah a ti. Cun Samuel cu a thin a hung i Bawipa kha zan khuadei in a auh.