JOSHUA 11:14 - Lai (Hakha) Common Language Bible 2006

¹⁴ Cun hi khua hranchaw vialte hna le saṭil hna cu Israel mi nih hranchaw ah an i lak dih; sihmanhsehlaw mi cu an hrawh dih hna hlantiang nam in an thah hna i thaw a chuahmi pakhat hmanh an ngan ta hna lo.

JOSHUA 11:14 Iomraidhean Croise

2 CHANRELNAK 20:25

Cun Jehoshafat le a mi hna kha hranchaw lak awkah an rat tikah saṭil tampi, thilri, hnipuan man sungmi thilri, an hmuh hna i an i phorh khawh ti lo tiangin an i lak hna. Hranchaw laknak ah cun ni thum tiang an rau, a tam hringhran ko.

NAMBAR 31:9

Cun Israel mi nih Midian nu hna le an ngakchia hna cu sal ah an tlaih hna; an caw vialte le an tuurun le an thilri vialte hna cu hranchaw ah an lak hna.

DEUTERONOMI 20:14

sihmanhsehlaw nu le ngakchia le saṭil le khua chung i a ummi thil dang zeipaoh, cun a hranchaw vialte zong cu nan ca i hranchaw ah nan i lak hna lai; cun Bawipa nan Pathian nih an pekmi hna nan ral hna hranchaw cun nan i cenh lai.

DEUTERONOMI 20:16

Sihmanhsehlaw Bawipa nan Pathian nih ro caah an pekmi hna, hi miphun hna khua chung tu ah hin cun, thaw a chuahmi zeihmanh a nung in nan zuah lai lo,

JOSHUA 10:40

Cu bangin Joshua nih ram cu a ning piin, tlangram siseh, Negeb siseh, rawnram siseh, tlangpangzau siseh, an siangpahrang vialte he a tei dih hna; pakhat hmanh a zuah hna lo, Bawipa Israel Pathian nih nawl a pek bang khan thaw a chuah paohpaoh cu a hrawh dih cikcek hna.

JOSHUA 11:11

A chungah a ummi vialte cu vainam in an thah dih hna i an hrawh cikcek hna; thaw a chuahmi pakhat hmanh an zuah lo; Hazor cu mei in a khangh.

JOSHUA 11:13

Mual cung i a ummi khua hna tu cu, Joshua nih a khanghmi Hazor dah ti lo cu, Israel mi nih an khang hna lo.

JOSHUA 11:15

Bawipa nih a sal Moses kha nawl a pek bangin Moses nih Joshua kha nawl a pek chin i cu bang cun Joshua nih a tuah; Bawipa nih Moses nawl a pekmi vialte kha pakhat hmanh a hrelhmi an um lo.

JOSHUA 8:2

cun Ai khua le a siangpahrang cungah Jeriko khua le a siangpahrang cung i na tuah bantuk khan na tuah lai; a hranchaw le a saṭil hna cu nanmah ca i hranchaw ah nan i lak hna lai; khua cu a hnulei in lamhruang va at u,” tiah a ti.

JOSHUA 8:27

Joshua kha Bawipa nih nawl a pekmi bia bangin, khi khua saṭil hna le hranchaw hna tu cu Israel mi nih an hranchaw ah an i lak.