JOSHUA 10:8 - Lai (Hakha) Common Language Bible 2006

⁸ Cun Bawipa nih Joshua cu a chawnh i, “Ṭih hna hlah, zeitintiah annih cu na kut chungah kan pek cang hna; anmah lakah na hmaiah a dir khomi pakhat hmanh an um lai lo,” tiah a ti.

JOSHUA 10:8 Iomraidhean Croise

1 SIANGPAHRANG 20:13

Cun zohhmanh profet pakhat Israel siangpahrang Ahab pawngah cun a ra i, “Hi bangin Bawipa nih, ‘Hi mibu nganpi hi na hmuh cang hna a si lo mei? Zohhmanh, nihin ah annih cu nangmah kan pek lai; cun nang nih keimah cu Bawipa ka si kha na hngalh lai,’ a ti,” tiah a ti.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

DEUTERONOMI 3:2

Sihmanhsehlaw Bawipa nih a ka chawnh i, ‘Amah cu ṭih hlah, zeitintiah amah le a mi vialte hna le a ram cu na kut chungah kan pek cang i Amor miphun siangpahrang Sihon, Heshbon i a ummi cung i na tuah bantuk khan, amah cungah na tuah ve lai,’ tiah a ti.

DEUTERONOMI 7:24

An siangpahrang hna cu nan kut chungah an pek hna lai i vanrang toiah an min cu nan hloh lai; nan hrawh hna hlantiang pakhat hmanh nih an in dawn kho hna lai lo.

JOSHUA 10:25

Cun Joshua nih annih sinah, “Nan thin phang hlah u, nan lung zong dong hlah u; ṭhawng u law, ralṭha ngaiin um tuah u; zeicahtiah Bawipa nih nan dohmi hna nan ral vialte cungah kha bang khan a tuah lai,” tiah a ti.

JOSHUA 10:9

Cucaah Joshua nih zan khuadei te Gilgal in a hung kal i hlauhsaphak in a paoh hna.

JOSHUA 11:6

Cun Bawipa nih Joshua cu a chawnh i, “Annih kha ṭih hna hlah, zeicahtiah thaizing atu tikah hin an dihlak in thah cia in Israel mi sinah ka pek hna lai; an rang cu an tha nan pheh hna lai i an rangleng cu mei in nan khangh hna lai,” tiah a ti.

JOSHUA 8:1

Cun Bawipa nih Joshua cu a chawnh i, “Ṭih hlah, na lung zong dong hlah; ralkap vialte kha i lak hna law, tho law, Ai ah cun hung kal tuah; zohhmanh, Ai khua siangpahrang cu a mi he a khua he a ram he na kut chungah kan pek cang;

BIACEIHTU 6:16

Cun Bawipa nih a chawnh i, “Sihmanhsehlaw nangmah sinah ka um lai i Midian mi hna cu mi pakhat tluk ceu in na thah dih ko hna lai,” tiah a ti.

BIACEIHTU 7:9

Khi zan ṭhiamṭhiam ah cun Bawipa nih amah cu, “Tho law, an riahhmun cu vung do tuah, zeitintiah na kut chungah kan pek cang.

1 SAMUEL 17:47

hi aa pummi vialte nih hin, vainam le fei in Bawipa khamhnak hi a si lo ti kha an hngalh nakhnga; zeitintiah hi raltuknak cu Bawipa ta a si i nannih cu kan kut chungah pek nan si lai,” tiah a ti.