JOSHUA 10:41 - Lai (Hakha) Common Language Bible 2006

⁴¹ Joshua nih annih cu Kadesh-barnea in Gaza tiang a tei hna. Goshen ram vialte zong Gibeon tiangin.

JOSHUA 10:41 Iomraidhean Croise

GENESIS 10:19

Kanaan ram ramri cu Sidon in Gerar leiah Gaza tiang a phan, Cun Sodom le Gomorrah le Admah le Zeboiim leiah Lasha tiang a phan fawn.

1 SIANGPAHRANG 3:5

Gibeon ah cun Solomon sinah Bawipa cu mang in zan ah a lang i Pathian nih cun, “Zeidah kan pek lai, ka hal tuah,” tiah a ti.

ZEKHARIAH 9:5

Ashkelon nih hmu seh law ṭih seh; Gaza cu a thinphan tuk ah a ngerh in i ngerh seh; Ekron nih aa ruahchannak cu a mit lai. Gaza in siangpahrang hna kha an lo lai i Ashkelon cu mi an ṭhing lai.

NAMBAR 13:26

Cun Paran ramlak i Kadesh ah cun Moses le Aaron le Israel mibu vialte sinah khan an ra phan i, an sin le zapi vialte sinah bia an rak phorh i cu ram theitlai cu an hmuhsak hna.

NAMBAR 32:8

Hi bantuk ṭhiamṭhiam hin nan pale nih khan an rak tuah, ram va zoh awkah Kadesh-barnea in ka thlah tik hna ah khan.

NAMBAR 34:4

cun nan ramri cu Akrabbim hung kainak thlanglei ah khan aa mer lai i Zin tiang a phan lai i a donghnak cu Kadesh-barnea thlanglei ah a si lai; cun Hazar-addar ah a hei kal lai i Azmon tiang a lan lai;

LAMKALTU 8:26

Bawipa vancungmi pakhat nih Filip cu a thawh i, “I tim law thlanglei ah vung kal law Jerusalem in Gaza ah a kalmi lam ah khan vung kal tuah,” a ti (Cu lam cu an hmang ti lo).

DEUTERONOMI 1:19

“Bawipa kan Pathian nih nawl a kan pek bang khan Horeb in kan tho i, Amor mi hna tlangram i hung kalnak lam i nan hmuhmi a kau le ṭih a nungmi ramlak kha kan tan i, Kadesh-Barnea kha kan phan.

DEUTERONOMI 2:23

Gaza tiangin khuate i a ummi Avvim hna cu, Kaftor in a rami Kaftor mi hna nih an hrawh hna i an umnak kha an rawlh hna.)

DEUTERONOMI 9:23

Cun Bawipa nih Kadesh-barnea in an thlah hna i, ‘Hung kal u law, kan pekmi hna ram cu hung umhnawh tuah u,’ tiah an ti hna tikah khan, nannih nih Bawipa nan Pathian nawlbia cu nan ralchanh i amah kha nan zum lo, a aw zong nan ngai lo.

JOSHUA 10:12

Bawipa nih Amor mi hna cu Israel mi hna sinah a pek hna ni ah Joshua nih Bawipa kha a chawnh i Israel mi hna mithmuh ah, “Ni, Gibeon ah dir peng tuah, Cun Thlapa, nang, Aijalon nelrawn ah,” tiah a ti.

JOSHUA 10:2

zeicahtiah Gibeon cu siangpahrang khua bantukin khua ngan a si ve i Ai khua nakin a ngan deuh i a chung ummi vialte hna cu miṭhawng an si.

JOSHUA 11:16

Cucaah Joshua nih cu ram vialte, tlangram le Negeb vialte le Goshen ram vialte le rawnram le Arabah le Israel tlangram le a rawnram cu,

JOSHUA 11:22

Israel mi ram chungah Anak mi cu pakhat hmanh an tang lo; Gaza le Gath le Ashdod lawngah tlawmpal an tang.

JOSHUA 15:51

Goshen, Holon, le Giloh; khuapi hleikhat, an khuate hna he.

BIACEIHTU 16:1

Samson cu Gaza ah a va kal i khika ah hlawhhlangnu pakhat a hmuh i a va ihpi.

BIACEIHTU 16:21

Cun Filistin mi nih an tlaih i a mit an khoih i Gaza ah an vun kalpi i dar hreng an khenh; cun thonginn chungah rawl rialnak lung in rawl kha an rialter.

1 SAMUEL 6:17

Mah hihi an bonak he aa lo in sui in sermi, Filistin mi hna nih Bawipa sin i phungbuar thawinak caah an kuatmi cu an si: Ashdod caah pakhat, Gaza caah pakhat, Ashkelon caah pakhat, Gath caah pakhat, Ekron caah pakhat;