JOSHUA 10:40 - Lai (Hakha) Common Language Bible 2006

⁴⁰ Cu bangin Joshua nih ram cu a ning piin, tlangram siseh, Negeb siseh, rawnram siseh, tlangpangzau siseh, an siangpahrang vialte he a tei dih hna; pakhat hmanh a zuah hna lo, Bawipa Israel Pathian nih nawl a pek bang khan thaw a chuah paohpaoh cu a hrawh dih cikcek hna.

JOSHUA 10:40 Iomraidhean Croise

1 SIANGPAHRANG 15:29

Cun siangpahrang a can kate in Jeroboam innchungkhar vialte cu a thah dih hna; Bawipa nih a sal Ahijah Shilon mi sinah a rak chimmi bia ningte khan, a hrawh dih hlantiang, Jeroboam hrinthlak hna lakah khan thaw a chuahmi pakhat hmanh a ngan hna lo;

NEHEMIAH 9:24

Cucaah an tefa hna cu an lut i ram cu an co i an hmaiah cun cu ram a rak hlumtu Kanaan mi hna kha na tei hna i annih cu an duhduh in an tuah hna nakhnga an kut chungah an siangpahrang hna le cu ram mi hna cu na chanh hna.

SALM 9:17

Miṭhalo vialte hna le Pathian a hlawmi vialte an donghnak cu thihnak a si.

EXODUS 34:12

Nan va luh lainak ram chung i a ummi miphun hna he khan biakamnak zeihmanh tuah hlah u, zeicahtiah cu bantukin nan tuah ahcun nan tuahmi biakamnak nih cun rawhnak an phakter hna lai.

NAMBAR 13:17

Moses nih Kanaan ram va ngiatthlai awkah cun a thlah hna i annih sinah, “Negeb ah khin hung kal u law, cun tlangram ah nan hung lut lai.

DEUTERONOMI 1:7

i mer u law, i thawh u law, Amor mi hna umnak tlangram le an pawngkam ram hna Arabah ah siseh, tlangram ah le ramniam ah siseh, Negeb le rilikam ram ah siseh, Kanaan mi hna ram ah siseh, Lebanon ah siseh, tiva ngan Zufrates tiva tiang va kal u.

DEUTERONOMI 2:34

Khi caan ah a khua vialte cu kan lak dih i khua vialte cu kan hrawh cikcek hna, pa si hna seh, nu si hna seh, ngakchia si hna seh; pakhat hmanh kan taanter hna lo;

DEUTERONOMI 7:24

An siangpahrang hna cu nan kut chungah an pek hna lai i vanrang toiah an min cu nan hloh lai; nan hrawh hna hlantiang pakhat hmanh nih an in dawn kho hna lai lo.

JOSHUA 10:35

cu ni ah cun an lak i vainam in an sam dih; cu khua chung i a ummi paoh cu khi ni ah a hrawh cikcek hna, Lakhish cung i a tuah bang khan.

JOSHUA 10:37

an lak i a siangpahrang he a khua hna he, a chung i a ummi vialte hna he, vainam in an sam dih hna; pakhat hmanh a zuah hna lo, Eglon cungah a tuah bantuk khan, a chung i a ummi vialte he a hrawh dih cikcek.

JOSHUA 10:39

a siangpahrang he a khua hna he a lak dih; vainam in an sam dih hna i a chung i a ummi vialte cu an hrawh cikcek hna; pakhat hmanh a zuah hna lo; Hebron cung le Libnah le a siangpahrang cung i a tuah bang khan Debir le a siangpahrang cungah a tuah.

JOSHUA 11:16

Cucaah Joshua nih cu ram vialte, tlangram le Negeb vialte le Goshen ram vialte le rawnram le Arabah le Israel tlangram le a rawnram cu,

JOSHUA 12:8

tlangram ah siseh, rawnram ah siseh, Arabah ah siseh, tlangpang zau ah siseh, ramlak ah siseh, Negeb ah siseh, cucu Hit mi le Amor mi le Kanaan mi le Periz mi le Hiv mi le Jebus mi hna ram an si):

JOSHUA 18:21

An innchung khar ning cio ah Benjamin phun khua hna cu mah hihi an si: Jeriko, Beth-hoglah, Emek-keziz,

JOSHUA 6:17

“Cun khua cu le a chung i a ummi thil vialte cu hrawh awkah Bawipa sinah pekchanh an si lai; kannih nih kan thlahmi lamkaltu hna kha a rak thuh hna caah Rahab le amah he a inn chungah a ummi vialte cu an nung lai.

JOSHUA 8:2

cun Ai khua le a siangpahrang cungah Jeriko khua le a siangpahrang cung i na tuah bantuk khan na tuah lai; a hranchaw le a saṭil hna cu nanmah ca i hranchaw ah nan i lak hna lai; khua cu a hnulei in lamhruang va at u,” tiah a ti.

JOSHUA 8:27

Joshua kha Bawipa nih nawl a pekmi bia bangin, khi khua saṭil hna le hranchaw hna tu cu Israel mi nih an hranchaw ah an i lak.

JOSHUA 9:24

Annih nih Joshua cu an leh i, “Bawipa na Pathian nih a sal Moses kha hi ram hi a dihlak in nanmah kha pek awk le nan hmai in hi ram chung i a ummi vialte kha hrawh awkah nawl a pek ti kha fiang tein na sal hna kha an kan chimh i, cucaah nanmah ruangah hin kan nunnak kongah kan thin a phan ngaingai caah mah hi kan tuah.