JOSHUA 10:39 - Lai (Hakha) Common Language Bible 2006

³⁹ a siangpahrang he a khua hna he a lak dih; vainam in an sam dih hna i a chung i a ummi vialte cu an hrawh cikcek hna; pakhat hmanh a zuah hna lo; Hebron cung le Libnah le a siangpahrang cung i a tuah bang khan Debir le a siangpahrang cungah a tuah.

JOSHUA 10:39 Iomraidhean Croise

2 SIANGPAHRANG 10:11

Cucaah Ahab tefa Jezreel i a tang rihmi paohpaoh, a mi ngan vialte hna le a hawikom ṭha hna le a tlangbawi hna kha, pakhat hmanh tang loin Jehu nih a thah dih hna.

OBADIAH 1:18

Khi tikah Jakob innchungkhar hna cu mei an si lai i Josef chungkhar hna cu meizik an si lai; Esau chungkhar tu cu favai an si lai; Esau mi hna cu mei nih facang hmui a kangh bangin an kangh hna lai i Esau tefa cu a nungmi an um lai lo,” tiah Bawipa nih a ti.

DEUTERONOMI 3:3

Cucaah Bawipa kan Pathian nih Bashan siangpahrang Og zong cu le a mi vialte hna cu kan kut chungah a kan pek i amah caah a tangmi pakhat hmanh an um lo tiangin amah cu kan tuk.

JOSHUA 10:33

Cun Gezer siangpahrang Horam cu Lakhish bawmh awkah a hung kal i, Joshua nih amah he a mi hna he, pakhat hmanh taang lo tiangin, a thah hna.

JOSHUA 10:37

an lak i a siangpahrang he a khua hna he, a chung i a ummi vialte hna he, vainam in an sam dih hna; pakhat hmanh a zuah hna lo, Eglon cungah a tuah bantuk khan, a chung i a ummi vialte he a hrawh dih cikcek.

JOSHUA 10:38

Cun Joshua cu Israel mi vialte he Debir leiah aa mer i a doh,

JOSHUA 10:40

Cu bangin Joshua nih ram cu a ning piin, tlangram siseh, Negeb siseh, rawnram siseh, tlangpangzau siseh, an siangpahrang vialte he a tei dih hna; pakhat hmanh a zuah hna lo, Bawipa Israel Pathian nih nawl a pek bang khan thaw a chuah paohpaoh cu a hrawh dih cikcek hna.

JOSHUA 11:8

Cun Bawipa nih annih cu Israel mi kut chungah a pek hna i an thah hna i, Sidon Ngan le Misrefoth-maim tiang, cun nichuahlei ah Mizpah nelrawn tiang an dawi hna; pakhat hmanh an taan ti lo tiang an thah lengmang hna.

JOSHUA 12:13

Debir siangpahrang, pakhat; Geder siangpahrang, pakhat;

1 SAMUEL 15:3

Atu cu va kal law, Amalek kha va tu, an ngeihmi vialte kha va hrawk dih; zuah hna hlah, sihmanhsehlaw pa thlulo nu thlulo, ngakchia thlulo, bawhte thlulo, tuu thlulo, kalauk thlulo, laa thlulo in va that hna,’ a ti,” tiah a ti.

1 SAMUEL 15:8

Cun Amalek mi siangpahrang Agag kha a nung in a tlaih i mi vialte kha vainam in a sam dih hna.