JOSHUA 10:25 - Lai (Hakha) Common Language Bible 2006

²⁵ Cun Joshua nih annih sinah, “Nan thin phang hlah u, nan lung zong dong hlah u; ṭhawng u law, ralṭha ngaiin um tuah u; zeicahtiah Bawipa nih nan dohmi hna nan ral vialte cungah kha bang khan a tuah lai,” tiah a ti.

JOSHUA 10:25 Iomraidhean Croise

SALM 63:9

Keimah thah a ka zalmi kha mithi khua ah an kal lai;

SALM 77:11

Bawipa, thil lianngan na tuahmi kha ka philh hna lai lo i kan hnulei caan i khuaruahharmi thil na tuahmi kha ka lung ah an hung pem ṭhan lai.

ROM 8:37

Zeihmanh nih an kan ṭhen kho lai lo, hi thil vialte hna chung hin a kan dawtu thawngin kannih cu teitu hna nakin teitu kan si deuh.

2 KORIN 1:10

Cu tlukin ṭih a nungmi thihnak chungin a kan khamh i hmailei zongah a kan khamh ko lai.

EFESA 6:10

A donghnak ah, Bawipa he nan i pehtlaihnak thawng le a ṭhawnnak a nganmi thawngin nan thazang cu, ṭhawnter chin ko u.

DEUTERONOMI 7:19

nan mi nih a hmuhmi hneksaknak ngan le hmelchunhnak le khuaruahharnak le a ṭhawngmi kut le samhmi ban in Bawipa nan Pathian nih an chuahpi hnanak kha hngal camcin ko u; cu bangin Bawipa nan Pathian nih nan ṭihmi miphun vialte hna cungah a tuah lai.

JOSHUA 1:6

Ṭhawng ngai le ralṭha ngaiin um tuah; zeitintiah an pupa hna sinah pek awkin chiat ka rak ser cangmi ram hi, hi mi hi na coter hna lai.

JOSHUA 1:9

Keimah nih nawl kan pek a si lo mei? Ṭhawng ngai le ralṭha ngaiin um ko; na thinphang hlah, na lung zong dong hlah; zeicahtiah Bawipa na Pathian cu khuazeika na kalnak hmanh ah na sinah a um ko,” tiah a ti.

JOSHUA 10:8

Cun Bawipa nih Joshua cu a chawnh i, “Ṭih hna hlah, zeitintiah annih cu na kut chungah kan pek cang hna; anmah lakah na hmaiah a dir khomi pakhat hmanh an um lai lo,” tiah a ti.

1 SAMUEL 17:37

Cun David nih, “Chiandeih tin chung le vom tin chungin a ka chuahtu Bawipa nih hi Filistin mipa kut chung hin a ka chuah ko lai,” tiah a ti. Cun Saul nih David cu, “Va kal law, Bawipa cu na sinah um ko seh,” tiah a ti.