JOSHUA 1:7 - Lai (Hakha) Common Language Bible 2006

⁷ Moses ka sal nih nawl an pekmi phungbia vialte ningin ralring tein tuah awkah, a ṭhawn bel ṭhawng ngai le ralṭha ngaiin um ko; khuazei ka na kalnak hmanh ah khuaawng na pemh nakhnga, orhlei ah siseh kehlei ah siseh i mer hlah.

JOSHUA 1:7 Iomraidhean Croise

1 SIANGPAHRANG 2:2

“Vawlei cung vialte phung bangin ka kal dengmang ve cang. Ṭhawng law patling na si kha langhter tuah,

1 SIANGPAHRANG 2:3

cun zei na tuahmi paoh ah le khuazeilei paoh i naa mernak ah na hlawhtlin nakhnga, Moses phungbia chungah aa ṭial bangin Bawipa na Pathian bia beuhmi kha na zulh hna lai i amah lam kha na zulh hna lai i a nawlbia hna le a phungbia hna le a phunglam hna le a hngalhternak bia hna kha na ulh hna lai;

2 SIANGPAHRANG 22:2

Cun Bawipa mithmuh ah a dikmi thil kha a tuah i a pu David lam kha a zul, orhlei ah siseh, kehlei ah siseh a pial lo.

1 CHANRELNAK 22:13

Khi tikah Bawipa nih Moses cu Israel mi caah a pekmi phunglam le nawlbia hna kha ṭha tein na zulh hna ahcun, na hlawh a tling lai. Ṭhawng ngai le ralṭha in um tuah. Ṭih hlah; na lung dong hlah.

2 CHANRELNAK 15:7

Sihmanhsehlaw nannih cu nan lung ṭhawng ko u! Nan kut kha derter hna hlah u, zeitintiah nan rian cu man a ngei lai,” tiah a ti.

2 CHANRELNAK 26:5

Bawipa ṭihnak kha a cawnpiaktu Zekhariah chan ah khan, Pathian kawl kha aa sehchih i Bawipa a kawl chung vialte cu Pathian nih khua awng a pemhter.

JOB 1:8

Cun Bawipa nih Satan cu a thawh i, “Ka sal Job hi na ruat bal maw? Vawlei cungah hin amah bantuk soisel awk um lo, miding, Pathian a ṭih i ṭhat lonak a mertakmi hi an um lo,” tiah a ti.

SALM 80:19

Kan kirpi ṭhan ko, Maw Lianngan Bik Bawipa Pathian! Na dawtnak kha kan cungah langhter law kannih nih khamhnak k zeitikhmanh ah kan in mertak ti lai lo; nungdam in kan umter law kan in thangṭhat lai.

PHUNGTHLÛKBIA 4:27

Orhlei ah siseh, kehlei ah siseh, pial hlah; Ṭhat lonak vialte kha hrial dih hna.

PHUNGTHLÛKBIA 8:20

Dinnak lam ah khan ka kal i biading lam ah khan ka kal,

DANIEL 10:19

A ka thawh i, “Pathian nih an dawt, cucaah na thinphang hlah, na caah zeizong vialte a ṭha dih ko lai. Na lung ṭhawng ko,” tiah a ti. Bia a ka chimh dih tikah ka thazang cu a hung tlung ṭhan i, “Ka chawn ko, bawipa, zeicahtiah thazang na ka pek cang,” tiah ka ti.

NAMBAR 27:23

a cungah a kut a chuan i Bawipa nih Moses a chimh bang khan nawlngeihnak kha a pek.

DEUTERONOMI 11:8

“Cucaah nihin kan pekmi hna nawlbia cu a dihlak in nan zulh lai, nannih nih nan ṭhawn i va co awkah nan kalhnawhmi ram cu nan luhhnawh i nan co nakhnga le,

DEUTERONOMI 12:32

“Nawl kan pekmi hna thil vialte kha ralring tein nan tuah hna lai; nan chap lai lo, nan zuk fawn lai lo.

DEUTERONOMI 29:8

An ram kha kan lak i ro caah Reuben phun le Gad phun le Manasseh phun cheu kha kan pek hna.

DEUTERONOMI 29:9

Cucaah nan tuahmi kip ah khuaawng nan pemh nakhnga, hi biakamnak bia hna hi ṭha tein tuah hna u.

DEUTERONOMI 31:7

Cun Moses nih Joshua cu a kawh i Israel mi vialte hna hmaiah a sinah, “Ṭhawng law, ralṭha in um tuah, zeitintiah Bawipa nih annih kha pek awkin an pupa hna sinah chiat a rak sermi ram chungah khan, hi mi hna he hin na kal lai i, annih cu na coter hna lai.

DEUTERONOMI 4:2

Bawipa nan Pathian nawlbia kan pekmi hna cu nan ulh nakhnga, nawlbia kan pekmi hna hi nan chap lai lo, nan zuk fawn lai lo.

DEUTERONOMI 5:32

Cucaah Bawipa nan Pathian nih nawl an pek hna bangin ṭha tein nan tuah lai; orhlei ah siseh; kehlei ah siseh nan i mer lai lo.

JOSHUA 1:1

Bawipa sal Moses thih hnuah, Moses rianṭuantu Joshua, Nun fapa cu, Bawipa nih a chawnh i,

JOSHUA 1:8

Hi phungbia cauk nih hin na kaa kha chuahtak hlah seh; sihmanhsehlaw a chungah aa ṭialmi vialte ningin tuah awkah ralring tein na um nakhnga, chunzan in mah cucu na ruat lai; zeitintiah khi tikah na lam kha na tluanter lai i khi tikah khua awng na tong lai.

JOSHUA 1:9

Keimah nih nawl kan pek a si lo mei? Ṭhawng ngai le ralṭha ngaiin um ko; na thinphang hlah, na lung zong dong hlah; zeicahtiah Bawipa na Pathian cu khuazeika na kalnak hmanh ah na sinah a um ko,” tiah a ti.

JOSHUA 11:15

Bawipa nih a sal Moses kha nawl a pek bangin Moses nih Joshua kha nawl a pek chin i cu bang cun Joshua nih a tuah; Bawipa nih Moses nawl a pekmi vialte kha pakhat hmanh a hrelhmi an um lo.

JOSHUA 23:6

Cucaah Moses phungbia cauk chungah aa ṭialmi vialte kha zulh awk le tuah awkah fek tein um ko u; orhlei ah siseh; kehlei ah siseh pialtak hlah u.