JOSHUA 1:17 - Lai (Hakha) Common Language Bible 2006

¹⁷ Moses kha zeizong vialte ah a bia kan ngaih bantuk tein nangmah bia zong kan ngaih lai; amah belte, Bawipa na Pathian cu Moses sinah a rak um bang khan na sinah um ve ko seh!

JOSHUA 1:17 Iomraidhean Croise

2 SAMUEL 14:17

Cun na salnu nih hin, ‘Siangpahrang ka bawipa bia nih cun dinhnak a ka pek lai, tiah ka ruah; zeitintiah siangpahrang ka bawipa hi a chia le a ṭha thleidan khawh leiah Pathian vancungmi bantuk a si. Bawipa na Pathian cu na sinah um ko seh!” tiah a ti.

1 SIANGPAHRANG 1:37

Siangpahrang bawipa sinah Bawipa cu a um bang khan, cu bantuk ṭhiamṭhiam in Solomon sinah um seh law, a bawi ṭhutdan cu ka bawipa David Siangpahrang i a bawi ṭhutdan nakin nganter deuh seh,” tiah a ti.

1 CHANRELNAK 28:20

Khi tikah David nih a fapa Solomon cu a thawh i, “Ṭhawng ngai le ralṭha ngaiin um law ṭuan tuah. Ṭih hlah, na lung dong hlah; zeicahtiah Bawipa Pathian, keimah i ka Pathian hrimhrim cu na sinah a um. Bawipa inn chung rianṭuannak ca i rian vialte cu lim a si hlantiang amah nih cun an deuh lai lo i an hlaw fawn lai lo.

SALM 20:1

Harnak na ton ni ah Bawipa nih in let ko seh. Jakob Pathian nih in huppheng ko seh!

SALM 20:4

Na duhmi kha in pe seh law na timhmi vialte kha tlinter ko seh.

SALM 20:9

Maw Bawipa, siangpahrang cu teinak pe ko; kan auh tikah Bawipa nih a kan leh lai.

NAMBAR 27:18

Cun Bawipa nih Moses cu, “Nun fapa Joshua, ruahnak a ngei ngaingaimi kha, la law, a cungah na kut chuang tuah;

NAMBAR 27:20

Nangmah nih amah cu na nawlngeihnak tlawmpal in na thuamh lai, Israel mibu dihlak nih a bia a ngaih nakhnga.

MATTHAI 21:9

A hmai i a kalmi hna le a hnu in a zulmi hna cu an bu ning piin an au i, “David Fapa cu thangṭhat ko u! Bawipa min in a rami cu Pathian nih thluachuah pe ko seh, Pathian cu thangṭhat ko u,” tiah an ti.

DEUTERONOMI 34:9

Cun Nun fapa Joshua cu, Moses nih a cungah a kut a chuan caah, fimnak thlarau in a khat; cucaah Israel mi nih a bia an ngaih i Bawipa nih Moses nawl a pek bang khan an tuah.

JOSHUA 1:16

Cun Joshua cu an leh i, “Nawl na kan pekmi paohpaoh cu kan tuah lai i khuazei hmanh ah na kan thlahnak paoh ah kan kal lai.

JOSHUA 1:18

Zei na fial paoh ah na nawlbia kha a ralchanh i na bia kha a almi cu ahohmanh thah a si lai. A ṭhawn bel ṭhawng law, ralṭha ngaiin um ko,” tiah an ti.

JOSHUA 1:5

Na nunchung vialte ahohmanh na hmai i a dir khomi an um lai lo; Moses sinah ka um bang khan, nangmah sin zongah ka um lai; kan deuh lai lo i kan hlaw fawn lai lo.

JOSHUA 1:9

Keimah nih nawl kan pek a si lo mei? Ṭhawng ngai le ralṭha ngaiin um ko; na thinphang hlah, na lung zong dong hlah; zeicahtiah Bawipa na Pathian cu khuazeika na kalnak hmanh ah na sinah a um ko,” tiah a ti.

JOSHUA 4:14

Khi ni ah Bawipa nih Joshua cu Israel mi vialte hmaiah a hlorh i Moses an rak ṭihzah bantuk khan amah cu a chan chung vialte an ṭihzah ve.

1 SAMUEL 17:37

Cun David nih, “Chiandeih tin chung le vom tin chungin a ka chuahtu Bawipa nih hi Filistin mipa kut chung hin a ka chuah ko lai,” tiah a ti. Cun Saul nih David cu, “Va kal law, Bawipa cu na sinah um ko seh,” tiah a ti.

1 SAMUEL 20:13

Sihmanhsehlaw ka pa nih nangmah cu harnak pek an duh sual a si ahcun, him tein na kal nakhnga, cucu nangmah sinah ka phuan lo i kan kalter lo a si ahcun, Jonathan cungah Bawipa nih cu bantukin tuah seh law, cu nak tam zongin tuah ko seh. Ka pa sinah Bawipa cu a um tawn bantukin nangmah sinah um ko seh.