JONAH 2:2 - Lai (Hakha) Common Language Bible 2006

² “Ka harnak chungin maw Bawipa kan auh i na ka leh; Sheol paw chungin bawmhnak hal awkah ka au i ka aunak cu na ka theihpiak.

JONAH 2:2 Iomraidhean Croise

2 CHANRELNAK 33:12

Cun harnak a phak tikah Bawipa a Pathian zaangfahnak kha a nawl i a pupa hna Pathian hmaiah khan fak piin a lung aa ṭhum.

SALM 116:3

Thihnak nih a hri in a ka ṭem, Sheol nih a kut in a ka khimh. Ṭihnak le lung retheihnak in ka khat.

SALM 120:1

Harnak chung ka um tikah Bawipa cu ka auh i a ka leh.

SALM 16:10

Cu ti ka si cu Mithi khua ah khan na ka kaltak lai lo le na dawtmi cu Khor Thuk chungah na ka chiahtak lai lo caah a si.

SALM 22:24

Sifakmi kha anih nih cun a hrelh hna lo i an nganfahnak kha zeirello in a um lo; annih kha a hlaat hna lo i bawmhnak hal in an aunak kha a leh hna,” ka ti lai.

SALM 34:6

Santlai lomi nih amah cu an auh i a leh hna; an harnak chungin a khamh dih hna.

SALM 4:1

Ka au tikah ka let tuah, maw Pathian a ka chanhtu, Harnak chung i ka um tikah nangmah nih na ka bawmh tawn. Atu zong ka zaangfah law ka thlacamnak hi ka theihpiak tuah.

SALM 61:2

Inn in hlapi ah ka um i khuaruahhar vansang au in ka umnak hmun hin nangmah cu kan auh.

SALM 65:2

Zion ah kan in thangṭhat lai i na sinah bia kan i kammi kha kan in pek lai.

SALM 86:13

A fekmi na dawtnak cu zeitluk in dah ka caah a ngan! Thlan tawne in na ka khamh.

ISAIAH 14:9

Babilon siangpahrang rak don awkah cun mithi khua cu aa tim. Vawlei cung i mi lianngan a rak simi hna thlarau kha an i teltum. Siangpahrang hna thlarau kha an bawiṭhutdan in an tho.

ṬAHNAK HLA 3:55

Sihmanhsehlaw maw Bawipa, nangmah min cu Khor tawne khan ka hun auh;

EZEKIEL 26:20

khor thukpi chungah a kalmi hna sinah khan kan nam chih lai i hlan lio pi in a thi lengmangmi hna sinah khan kan thlak lai. Vawlei tangah, zungzal in a kingmi hmun ah cun kan umter lai, khor thukpi chung i a vung kalmi hna sinah cun kan umter ve lai. Cucaah zeitikhmanh ah na chungah mi an um ṭhan ti lai lo i a nungmi hna ram chung zongah khan naa tel ti lai lo.

EZEKIEL 31:14

Cucaah ti ṭha tein a hmumi thingkung vialte hna cu cu tlukin an sang bal ti lai lo i kha thingkung tluk khan thingkung dang cungah an zik a fong ti lai lo. An lak i a ṭhawng bikbik hna zong, ti ṭha tein a hmumi si ko hna hmanh seh law, ding thlerthlur in an dir kho ti lai lo, zeicahtiah an dihlak in thihnak ah chanh an si cang, vawlei tang hmun i kal awkah khiah an si cang i cuka ah cun mi vialte co ciomi kha an co ve lai i khor chungah cun an tla ve ko lai.

MATTHAI 12:40

Ngapi chungah Jonah cu ni thum le zan thum a um bantuk khan Mi Fapa zong cu vawlei chungah ni thum le zan thum a um ve lai.

LUKA 11:10

Zeicahtiah a halmi paoh cu pek an si lai i a kawlmi paoh nih an hmuh lai, a kingmi paoh cu innkhar kha hunpiak an si lai.

LUKA 22:44

Lungthin fak ngaingai in fak chinchin in thla a cam i a thlan cu vawlei ah thi dor bantukin a tla.)

LAMKALTU 2:27

Mithikhua ah khan ka thlarau cu na kaltak lai lo caah Ruahchannak ngei in hnangam tein ka um ko lai. Nangmah an tlaihchanmi na sal cu ṭhutnak kha na hmuhter lai lo.

HEBRU 5:7

Vawlei cung a um lioah, Jesuh nih thihnak in a khamh khotu Pathian sinah aihramnak le mitthli he thlacamnak le nawlnak kha a tuah. Amah cu a lung a nemmi le Pathian sinah aa pemi a si caah Pathian nih a theih.

1 SAMUEL 1:16

Na salnu hi nu ṭhalo ah ka rel hlah, zeitintiah ka lung retheihnak le ka ngaihchiatnak pei ka chim lengmangmi hi a si cu,” tiah a ti.

1 SAMUEL 30:6

Cun David cu a lungre a thei ngaingai; zeitintiah mi vialte kha an fapa hna le an fanu hna kongah khan an ngaih a chiat ngaingai caah mi nih khan amah kha lung i cheh awk an ceih lengmang. Sihmanhsehlaw David cu Bawipa a Pathian ah khan aa hriim ṭhan.