JOHAN 9:3 - Lai (Hakha) Common Language Bible 2006

³ Jesuh nih cun, “A mitcawtnak hi amah sualnak ruangah siseh, a nu le a pa sualnak ruangah siseh a si lo. Pathian ṭhawnnak cu amah damnak thawng hin a langh nakhnga caah a mit a cawt hi a si.

Laibaibal Thiang (BSI)

³ Jesuh nih, “Amah le anu le pa sual ruangah a si lo, a cungah Pathian rianṭuan a langhnâk ding tu ah a si.

JOHAN 9:3 Iomraidhean Croise

JOB 21:27

“Na ruahmi le zeitindah a bia cu ka al khawh lai tiin bia alnak ding na timh cuahmahmi cu ka hngalh ko.

JOB 32:3

Job hawile pathum hna cung zongah khan a thin a hung, zeicahtiah Job cu na palh tiah an ti nain lehnak an hngal lo i Pathian lehlam kha a palh an lawhter.

JOB 42:7

Bawipa nih Job sinah bia a chim dih tikah, Teman mi Elifaz kha a thawh i “Nangmah le na hawile pahnih cungah ka thin a hung, zeicahtiah ka kong kha nan chim awk hnga bangin ka sal Job nih a chim bantukin nan chim lo.

MATTHAI 11:5

mitcaw nih khua an hmuhnak le kebei an kal khawhnak le mithinghmui an thiannak le hnachet nih khua an theihnak le mithi thawhṭhan an sinak le misifak mi hna sinah Thawngṭha chim a sinak hi va chim ko u.

JOHAN 11:4

Cu bia cu Jesuh nih a theih tikah, “Hi zawtnak hi a donghnak cu thihnak a si lai lo, sihmanhsehlaw Pathian sunparnak langhternak caah a si lai i hi thawng hin Pathian Fapa zong nih sunparnak a hmuh lai,” a ti.

JOHAN 11:40

Jesuh nih Martha cu, “Na zumh ahcun Pathian sunparnak na hmuh lai, tiah ka rak in ti lo maw?” tiah a ti.

LAMKALTU 28:4

Cuka rammi hna nih rul kha Paul kut i aa thlai ko cu an hmuh tikah pakhat le pakhat kha, “Hi pa hi lainawng a si ṭheo lai, rili in luat hmanh seh law khuazing nih nunter a duh lo i a si ko,” an ti.

LAMKALTU 4:21

Biaceihtu hna nih cun fak chinchin in an hro hna i an thlah hna. Mizapi nih thil a hung ummi kongah khan Pathian cu an thangṭhat lulhmalh caah dantat khawhnak lam kha an hmu kho lo.

1JOHAN 4:16

Cun kanmah hrimhrim nih Pathian nih a kan dawtnak cu kan hngalh i kan zumh. Pathian cu dawtnak a si i dawtnak chungah a ummi paoh cu Pathian chungah a um i a chungah Pathian a ummi a si.

1JOHAN 4:9

Pathian nih a kan dawtnak a langhterning cu hitihin a si: a Fapa ngeihchun kha vawlei ah hin a run thlah i amah thawngin nunnak kan ngei lai.