JOHAN 9:16 - Lai (Hakha) Common Language Bible 2006

¹⁶ Farasi mi a cheu nih cun, “Hi thil a tuahtu hi Pathian sinin a rami a si kho lai lo, zeicahtiah Sabbath ni phung kha a buar,” an ti. Sihmanhsehlaw a cheu nih khan, “Zeitindah misual a simi nih cun cu bantuk hmelchunhnak cu a tuah khawh lai,” an ti ve. Cucaah cun an i cheu.

Laibaibal Thiang (BSI)

¹⁶ Farasih cheukhat nih, “Hi mipa hi Sabbath a ulh lo ruangah Pathian sin in a rami a si lai lo,” tiah an ti. Cheukhat nih, “Mi sual nih zeitindah hi bantuk hmelchuanhnâk a tuah khawh lai?” tiah an ti ve i an lakah i ṭhennâk a chuak.

JOHAN 9:16 Iomraidhean Croise

MATTHAI 12:10

Cuka ah cun a kut a zengmipa pakhat a rak um. Khika i a ummi hna lakah khan Jesuh cu sualphawt a duhmi an um caah amah cu, “Sabbath ni ah hin mi damter phung a si maw si lo?” tiah an hal.

MATTHAI 12:2

Cucu Farasi mi nih an hmuh hna tikah Jesuh cu an thawh i, “Zohhmanh, Sabbath ni ah tuah lo ding timi kha na zultu hna nih an tuah,” an ti.

LUKA 13:14

Pumhnak inn zohkhenhtu cu Jesuh nih Sabbath ni ah mi a damter caah khan a thin a hung i, “Rianṭuannak dingah ni ruk pei a um ko cu; cucaah cun cu ni ruk chungah cun tah nan rat i nan rak i damter; Sabbath ni ah hin cun ti hlah ngat u,” tiah mizapi cu a hun ti hna.

JOHAN 10:19

Hi bia ruangah hin Judah mi lakah khan cheunak a um ṭhan.

JOHAN 14:11

Ka Pa chungah ka um i ka Pa cu ka chungah a um kha zum ko u. Cucu nan zumh khawh lo a si le hi thil ka tuahmi hna ruang tal ah hin zum ko u.

JOHAN 15:24

Ahohmanh nih an tuah bal lomi ka tuahmi hi an lakah tuah loin rak um ning law cu an cungah sualnak a um hnga lo, asinain atu ning ah cun ka tuahmi kha an hmuh ko i keimah he ka Pa he an kan huat.

JOHAN 2:11

Galilee ram Kana khua i Jesuh nih a tuahmi hi hmelchunhnak a tuahmi lakah a hmasa bik a si; cu a tuahmi hmelchunhnak ah cun a sunparnak kha a langhter i a zultu nih khan amah cu an zumh.

JOHAN 3:2

Zan khat cu Jesuh sinah khan a va kal i, “Rabbi, nangmah cu Pathian thlahmi cawnpiaktu saya na si ti kha kan hngalh. Pathian nih a umpi hna lo ahcun, hmelchunhnak na tuahmi hi ahohmanh nih an tuah kho lai lo,” tiah a ti.

JOHAN 5:10

Cu ni cu Sabbath ni a si ngelcel. Cucaah Judah upa hna nih khan damnak a hmu mipa cu an thawh i, “Nihin cu Sabbath ni a si i na ihphah i put cu kan Phung nih aan onh lo,” tiah an ti.

JOHAN 5:36

Sihmanhsehlaw kaa bochanmi cu Johan nih tehte a khaanmi nakkhan a ngan deuhmi a si; cucu ka ṭuanmi rian, ka Pa nih ṭuan awkah a ka pekmi rian hna hi an si.

JOHAN 6:52

Cu nih cun Judah mi hna lakah khan bia alnak ṭhalo tein a chuahter ciammam i “Zeitindah hi pa nih hin a sa cu ei awkah a kan pek khawh lai?” an ti.

JOHAN 7:12

A kong kha a thli in an i ceih lulh ko i a cheu nih, “Mi ṭha a si,” an ti; a cheu nih, “Sihlah, mi kha a hlen hna,” an ti.

JOHAN 7:23

Cucaah Moses Nawl buar lonak ding caah Sabbath ni hmanh ah nan fale cu an cuarpar nan tan hna ahcun, zeicahdah kei nih Sabbath ni ah mi kha tlamtling tein ka damter caah ka cungah nan thin a hun?

JOHAN 7:43

Cuticun mizapi cu amah ruangah cun an i cheu dih i

JOHAN 9:24

Mitcaw cia in a chuakmipa cu an auh ṭhan i, “Biatak ka chim lai tiah Pathian hmaika ah bia i kam. Hi pa hi misual a si ti kha kan hngalh,” an ti.

LAMKALTU 14:4

Khuachungmi cu an i cheu: a cheu nih Judah mi kha an ṭanh hna i a cheu nih lamkaltu kha an ṭanh hna.