JOHAN 8:9 - Lai (Hakha) Common Language Bible 2006

⁹ Cu bia cu an theih tikah pakhat hnu pakhat in an i zukphiak dih, upa pawl kha an i zuk hmasa. Jesuh lawng cu a tang i a pawngah cun minu kha a dir ko.

Laibaibal Thiang (BSI)

⁹ A chimmi kha an theih tikah, an chiaṭha hngalhnâk ah sual a phawt hna i a upa bik in a dongh tiang pakhat hnu pakhat an i zûk dih. Jesuh le a lai i a dirmi mi nu lawng an tâng.

JOHAN 8:9 Iomraidhean Croise

1 SIANGPAHRANG 17:18

Cun anih nih Elijah cu a thawh i, “Maw Pathian mipa, ka cungah lung si lonak zeidah na ngeih? Ka sualnak kha hngalhter ṭhan awk le ka fapa kha thihter awkah pei na rat ko hi!” tiah a ti.

1 SIANGPAHRANG 2:44

Cun siangpahrang nih cun Shimei cu, “Nangmah nih ka pa David cungah ṭhat lonak na tuahmi vialte kha na lung chungin na hngalh ko; cucaah na ṭhat lonak cu Bawipa nih nangmah lu cung lila ah a kirter lai.

JOB 20:27

Van nih khin a ṭhat lonak cu an phuan lai i Vawlei nih hin amah sualphawt awkah a tho lai.

JOB 20:5

Miṭhalo lawmhnak cu tawite lawng a si i Pathian zei ah a rel lomi thanuamnak cu caan tawite lawng a si.

SALM 40:14

Thah a ka zalmi kha sung cikcek hna seh law i tuai dih hna seh. Harnak ka inmi ruangah aa lawmmi cu an hnulei ah i let hna seh law ningzak in um hna seh.

SALM 50:21

Hi vialte hi nan tuah i keimah nih cun zeihmanh ka chim lo, cucaah nanmah bantuk ah nan ka ruah. Sihmanhsehlaw atu cu kan sik cang hna lai i thil kha fiang tein kan hngalhter cang hna lai.

SALM 71:13

A ka dohtu pawl kha sung hna seh law rawk hna seh. Ka cungah fahnak tlunter aa zuammi kha ningzahnak le hmaichiatnak phan hna seh.

PHUNGCHIMTU 7:22

nangmah hrim zong nih midang kha chiat voi tampi na serh hna cu na hngalh ko.

LUKA 13:17

Bia a lehnak nih cun a ral vialte hna cu ningzak in a umter dih hna i khuaruahhar a tuahmi cungah khan mizapi cu an i lawm.

JOHAN 8:10

Ding tein a hung ṭhu i, “Minu, khuazei ah dah an si dih? Nangmah sual phawtu dingah pakhat hmanh an tang kun lo maw?” tiah a ti.

JOHAN 8:12

Jesuh nih annih cu a thawh ṭhan hna i, “Kei cu vawlei ceunak ka si. Keimah a ka zummi paoh cu nunnak ceunak kha an ngei lai i mui lakah an vai lai lo,” tiah a ti.

JOHAN 8:2

A thaizing zingkate ah biakinn ah cun a kal ṭhan. Mizapi nih cun an pumhhnawh i a cawnpiak hna.

JOHAN 8:3

Phungbia cawnpiaktu saya hna le Farasi mi hna nih khan, minu pakhat va cungin pa aa duh lio i an tlaihmi kha an run luhpi i zapi hmaiah cun an dirter.

JOHAN 8:8

Cun a kun ṭhan i vawlei ah ca cu a ṭial ṭhan.

ROM 2:15

Nawlbia nih, tuah u, a timi cu an lung chungah aa ṭial ko ti kha an ziaza in an langhter. Cun anmah lungthin lila nih a zeimaw caan ah sual a phawt hna i a zeimaw caan ah thiam a coh hna caah, an lung chungah aa ṭial ko ti cu an chiaṭha thleidannak nih khan a langhter ko.

ROM 2:22

“Va cungin pa i duh hlah u,” a titu hna, zeicahdah nan i duh kun? Siasal a fihmi hna, zeicahdah siasal biakinn cu nan ramh kun hna?

1JOHAN 3:20

kan lung nih sual kan phaw kun kaw Pathian cu kan lung nakin a ngan deuh i zeizong vialte kha a hngalh dih.