JOHAN 8:45 - Lai (Hakha) Common Language Bible 2006

⁴⁵ Kei cu biatak kha ka chim, cucaah cun nan ka zumh lonak cu a si.

Laibaibal Thiang (BSI)

⁴⁵ Biatak kan chimh hna ruangah nanka zumh khawh lonâk hi a si.

JOHAN 8:45 Iomraidhean Croise

JOHAN 18:37

Cucaah Pilat nih cun, “Siangpahrang cu tah na si kun maw?” tiah a hal. Jesuh nih, “Siangpahrang na si tiah na ka ti. Hi vawlei ah ka chuah chan le ka rat chan cu biatak kong chim hi a si. Biatak kha a hna a phihkanh lomi paoh nih cun ka bia kha an ngaih,” tiah a ti.

JOHAN 7:7

Nannih cu vawlei nih hin an hua kho hna lo, sihmanhsehlaw na umtu ningcang a ṭha lo tiah ka chimh lengmang caah kei cu a ka huat.

JOHAN 8:46

Nan lakah hin ka sualnak a ka hmu khotu aho tal nan um maw? Biatak kan chimh ko hna, zeicahdah nan ka zumh duh lo?

GALATI 4:16

Atu cu biatak kan chimh hna ruangah nan ral ka si cang maw?

2 THESALON 2:10

a rawk dingmi hna cungah cun hlennak a phunphun kha a hman lai. Cu hna cu an rawk lai, zeicahtiah khamhnak an hmuh nakhnga ding ca i biatak kha an rak cohlang duh lo.