JOHAN 8:43 - Lai (Hakha) Common Language Bible 2006

⁴³ Zeicahdah ka chimmi hi nan hngalh khawh lo? Ka bia kha nan theih khawh lo caah a si.

Laibaibal Thiang (BSI)

⁴³ Zeiruangahdah ka bia nan theihthiam lo. Ka bia ngaih nan duh lo caah a si.

JOHAN 8:43 Iomraidhean Croise

PHUNGTHLÛKBIA 28:5

Miṭhalo nih biading hi zeidah a si kha an hngal lo, sihmanhsehlaw Bawipa a kawlmi hna nih cun tling tein an hngalh cikcek.

ISAIAH 44:18

Cu bantuk mi cu an hrut tuk, kan tuahmi kha zei a si ti awk an hngal lo. Biatak hngalh kha an duh lo, an mit an chinhkanh i an lungthin an kharkanh.

ISAIAH 6:9

Cucaah a ka thawh i, “Va kal law hi mi hna hi hi bia hi va chim hna: ‘Ngai lengmang hmanh u law a sullam cu nan hngal bal lai lo. Zoh lengmang hmanh u law a um lio lengmangmi hi zei thil dah a si ti kha nan hngal bal lai lo,’ va ti hna,” a ti.

JEREMIAH 6:10

Cun kei nih ka leh i, “Aho nih dah ka chawnh hna le ralrinnak ka pek hna tikah ka bia an ngaih duh lai? Annih nih an hna an i phih cang i an ngai bal lai lo. Na bia cu ngaih an duh lo i na chimmi cu nihchuak ah an rel.

HOSEA 14:9

A fimmi nih cun hika i aa ṭialmi hi i hngalh hna seh law an lungchung in i cinken hna seh. Bawipa lam cu lamding an si i miding mi nih cun cu lam cu an zulh hna, sihmanhsehlaw misual mi cu an ril i an tlu.

MIKAH 4:12

Sihmanhsehlaw annih nih Bawipa ruahnak kha an hngal lo i aa tinhmi zong kha an hngalthiam lo. A ngaingai ti ahcun, annih kha phuhri i faphal pumh bantukin a pumtu hna cu Bawipa kha a si.

MATTHAI 13:15

Zeicahtiah cun, hi mi hna hi an lung a khong cang, an hna a pit i an mit kha an i chinh. Cuticun rak si hna hlah seh law cu an mit nih khua a hmuh hnga i an hna nih khua a theih hnga i an lung nih khua a hngalh ko hnga, Cun keimah leiah an i mer hnga i ka damter ko hna hnga, tiah Pathian nih a ti.’

JOHAN 5:25

Biatak kan chimh hna: Mithi nih Pathian Fapa aw an theih i a thimi paoh an nun lainak caan kha a ra lio i a phan cang.

JOHAN 5:43

Ka Pa nawl in a rami ka si, sihmanhsehlaw nan ka cohlang lo; midang pakhatkhat amah nawl in a rat tikah nan rak cohlan te ko ṭung lai.

JOHAN 6:60

Cu bia cu a zultu mi tampi nih khan an theih i, “A cawnpiaknak hi a har tuk. Ahodah cu bantuk cu a ngai kho hnga?” an ti.

JOHAN 7:17

Pathian duhnak tuah a duhmi hna nih cun, kan cawnpiakmi hna hi Pathian sinin a rami maw a si keimah i ka hei in cawnpiak menmenmi hna dah a si, ti kha nan hngalh ko lai.

JOHAN 8:27

A kan chimhmi hi Pa kong kha a si ti awk an hngal lo.

JOHAN 8:33

Annih nih, “Kannih cu Abraham tefa kan si i aho sal hmanh kan si bal lo. Cucaah nan luat lai, na ti tikah hin a sullam zeidah a si,” tiah an leh.

JOHAN 8:39

Annih nih, “Kan pa cu Abraham kha pei a si cu,” an ti. Jesuh nih cun, “Abraham tefa kha nan si taktak ahcun, amah tuahmi kha pei nan tuah ve hnga cu.

LAMKALTU 7:51

“Zeitluk lung hakmi dah nan si rih? Zeitluk in dah lungchung in cuarpar aa tan lomi le Pathian bia theihnak leiah a hna aa chehmi nan si rih! Nannih cu nan pupa hna hlikhlekte kha nan si ko, nannih zong nih Thiang Thlarau kha nan donh zungzal ko!

ROM 3:11

Pathian a hngalmi ahohmanh an um lo, Pathian a kawlmi ahohmanh an um lo.