JOHAN 8:38 - Lai (Hakha) Common Language Bible 2006

³⁸ Ka Pa nih a ka hmuhsakmi kong kha ka chim, sihmanhsehlaw nannih cu nan pa nih an chimhmi hna kha nan tuah,” tiah a ti hna.

Laibaibal Thiang (BSI)

³⁸ Ka Pa sin in ka hmuhmi kha ka chim tawn. Nannih zong nanpa sin in nan hmuhmi kha nan tuah tawn,” tiah a ti.

JOHAN 8:38 Iomraidhean Croise

MATTHAI 3:7

Johan nih, Farasi mi hna le Sadusi mi hna kha, tipil in awkah a sin i an rat kha a hmuh tikah a thawh hna i, “Rul hna, Pathian thinhunnak a ra liomi chung cun nan luat kho lai, tiah aho nih dah aan chimh hna?

JOHAN 14:10

Keimah cu ka Pa chungah ka um i ka Pa cu keimah chungah a um kha na zum lo maw, Filip? Nannih kan chimhmi hna bia hi keimah chungin aa thawkmi an si ṭung lo, ka chung i a ummi ka Pa rianṭuannak pei an si cu.

JOHAN 14:24

A ka daw lomi paoh nih ka bia kha an ngai lo. Ka chimmi bia nan theihmi hi keimah bia a si lo, a ka thlahtu ka Pa bia a si.

JOHAN 17:8

Na ka pekmi bia kha ka chimh hna i annih nih an cohlan; nangmah sinin a rami ka si kha a si taktak tiah an hngalh i nangmah i na ka thlah kha an zumh.

JOHAN 3:32

Amah nih cun a hmuhmi le a theihmi kha a chim, sihmanhsehlaw ahohmanh nih a chimmi kha an cohlang lo.

JOHAN 5:19

Cucaah Jesuh nih annih cu a leh hna i, “Biatak kan chimh hna: Fapa nih hin keimah nawl lawngin zeihmanh ka tuahmi a um lo; ka Pa nih a tuahmi ka hmuhmi lawng kha ka tuah hna. Ka Pa nih a tuahmi cu Fapa zong nih ka tuah ve hna.

JOHAN 5:30

“Keimah lawngin zeihmanh ka tuah kho lo; Pathian nih a ka chimhmi ning lawngin bia ka ceih hna; keimah nih ka duhmi kha si loin a ka thlahtu nih a duhmi kha tuah kaa zuam caah ka biakhiahnak cu ahmaanmi a si.

JOHAN 8:26

Nanmah kong ah hin bia chim awk tampi ka ngei — nanmah sual phawt zong hi. Sihmanhsehlaw a ka thlahtu nih cun biatak kha a chim i vawlei ka chimhmi hi amah sinin ka theihmi bia cu a si,” tiah a leh hna.

JOHAN 8:41

Nannih cu nan pa i a tuahmi kha nan tuah,” tiah a leh hna, Annih nih cun an i thawh i, “Pathian lawnglawng pei kan Pa cu a si ko cu. Lakfa kan si ṭung lo, a fa taktak pei kan si cu,” tiah an leh.

JOHAN 8:44

Nannih cu nan pa Khuachia fa kha nan si i tuah nan duhmi cu nan pa duhnak kha a si. Amah cu a hramthawk tein lainawng a rak si. Biatak kha zeitikhmanh ah a ṭanh bal lo, zeicahtiah a chungah biatak zeihmanh a um lo. Lih a chim tikah a tuah tawn zungzalmi kha a tuah a si ko, zeicahtiah anih cu milihchim a si i lih vialte pa a si.