JOHAN 8:24 - Lai (Hakha) Common Language Bible 2006

²⁴ Cucaah cun pei, nan sualnak chungah nan thi lai, kan ti hna kha a si cu. Cun Keimah cu Keimah Ka Si Ko timi ka si kha nan ka zumh lo ahcun nan sualnak chungah cun nan thi ko lai,” tiah a ti hna.

Laibaibal Thiang (BSI)

²⁴ Cucaah dah kaw nan sinah, “Sual ngeibu in nan thi lai,” kan ti hna cu. ‘Amah kha ka si’ ka timi hi nan zumh lo ahcun, nan sualnâk he nan thi hrimhrim ko lai,” tiah a ti.

JOHAN 8:24 Iomraidhean Croise

EXODUS 3:14

Pathian nih cun Moses cu a thawh i, “Keimah cu Keimah ka si ko. Keimah a simi nih khan, keimah cu nan sinah a ka thlah, tiah Israel mi cu na chimh hna lai,” a ti.

PHUNGTHLÛKBIA 8:36

Sihmanhsehlaw keimah a ka hmu lomi nih cun amah le amah kha aa hliam ko; a ka huatu vialte cu thihnak he aa duhmi an si,” tiah a ti.

MATTHAI 24:5

Zeicahtiah ka min in mi tampi an ra lai i, ‘Keimah hi Messiah cu ka si,’ tiah an ti lai i mi tampi kha an hlen hna lai.

MARKA 13:6

Ka min i put in mi tampi an ra lai i, ‘Amah ka si,’ an ti lai i mi tampi kha an hlen hna lai.

MARKA 16:16

A zum i tipilnak a ingmi paoh nih khamhnak an hmuh lai, a zum lomi paoh nih sual phawtnak an hmuh lai.

LUKA 21:8

Jesuh nih a thawh hna i, “I ralring u; ahohmanh i hlenter hna hlah u. Zeicahtiah mi tampi keimah min put in an ra lai i, ‘Keimah hi amah cu ka si,’ an ti lai i ‘A caan cu a phan cang,’ an ti lai. Sihmanhsehlaw zul hna hlah u.

JOHAN 13:19

Thil cu a hung si taktak tikah keimah hi amah cu ka si ko, ti kha nan zumh khawh nakhnga, hi thil hi a si hlanah ka rak in chimh chung hna.

JOHAN 3:18

“Fapa kha a zummi paoh cu sual biaceihnak a ing lo, sihmanhsehlaw a zum lomi cu sualphawt a si ko cang; zeicahtiah Pathian Fapa ngeihchun kha a zum lo.

JOHAN 3:36

Fapa a zummi paoh cu zungzal nunnak an ngei, Fapa nawl a ngai lomi paoh cu nunnak an ngei bal lai lo i Pathian thinhunnak cu an cungah a um zungzal ko lai.

JOHAN 4:26

Jesuh nih cun a vun leh i, “Amah cu keimah hi pei ka si cu, nangmah he bia aa ruah lengmangmi hi,” tiah a ti.

JOHAN 8:21

Jesuh nih annih cu a thawh ṭhan hna i, “Kei cu ka kal lai; nan ka kawl lai, sihmanhsehlaw nannih cu nan sualnak chungah nan thi lai. Ka kalnak hmun ah nannih cu nan ra kho lai lo,” tiah a ti hna.

JOHAN 8:25

Annih nih, “Aho ka si na ti dah cu?” tiah an hal. Jesuh nih cun, “A hramthawk tein kan chimh lengmangmi hna kha hen ta.

JOHAN 8:28

Cucaah Jesuh nih a thawh hna i, “Nannih nih Mi Fapa cu nan taar tikah, Keimah cu Keimah Ka Si Ko timi ka si kha nan hngalh lai; cun keimah nawl lawngin zeihmanh ka tuah lo le ka Pa nih a ka cawnpiakmi lawnglawng ka chim kha nan hngalh lai.

JOHAN 8:58

Jesuh nih cun, “Biatak kan chimh hna: Abraham hlanah ka um cang,” tiah a leh hna.

LAMKALTU 4:12

Amah thawng lawnglawng in khamhnak hi hmuh khawh a si. Zeicahtiah vawlei cung dihlak ah hin a kan khamh khotu ding min dang zeihmanh a um lo,” tiah a ti.

HEBRU 12:25

Cucaah cun ralring tein um u law nan sin i bia a chimtu bia kha al sual hlah u. Vawlei ah Pathian bia a chimtu bia theih a duh lomi cu an luat lo. Cucaah cun vancung in bia a run chimtu bia cu kan ngaih lo ahcun zeitluk in dah kan luat lo chinchin lai.

HEBRU 2:3

kannih nih khamhnak hi tluk a nganmi hi zeirello in kan um ahcun, zeitluk in dah dantatnak cu kan luat lo chinchin lai? Hi khamhnak cu a hmasa bik ah Bawipa hrimhrim nih khan a thanh i a theimi hna nih khan a thanhmi cu ahmaan tiah an kan chimh.