JOHAN 8:2 - Lai (Hakha) Common Language Bible 2006

² A thaizing zingkate ah biakinn ah cun a kal ṭhan. Mizapi nih cun an pumhhnawh i a cawnpiak hna.

Laibaibal Thiang (BSI)

² Zingka tuante ah ṭempal ah a ra ṭhân i mizapi kha a sinah an ra. A ṭhu i a cawnpiak hna.

JOHAN 8:2 Iomraidhean Croise

PHUNGCHIMTU 9:10

Na tuahmi cu a ṭhat khawh chungin tuah, zeicah tiah Sheol ah cun rian siseh, ruahnak siseh, hngalhnak siseh, fimnak siseh a um ti lo i cuka cu na kalnak ding hmun cu a si.

JEREMIAH 25:3

“Amon fapa Josiah, Judah siangpahrang, a bawinak kum hleithum ri in atu tiang, kum kul le kum thum chung, Bawipa bia cu ka sinah a ra lengmang i nan sinah thlah lo tein ka chim lengmang ve, sihmanhsehlaw nan ngai lo.

JEREMIAH 32:33

An hnulei an ka chit i an hmai kha an ka mertak; anmah cawnpiak awkah kaa zuam lengmang nain ngaih an duh lo i zulh zong an duh lo.

JEREMIAH 44:4

Ka sal profet vialte hna kha hi ralrinnak bia he hin nannih sinah ka rak thlah lengmang hna i, ‘Ka huatmi thil fihnung hi tuah sawh hlah u,’ tiah ka ti lengmang.

MATTHAI 26:55

Cun Jesuh nih mibupi cu a thawh hna i, “Kei cu damiah hei si ning law cu bang, zeicahdah tlaih awkah nam le thingtan he nan ka fuh? Nifate in pei Biakinn ah ka ṭhu i kan cawnpiak lengmang ko hna cu, nan ka tlaih ṭung lo.

LUKA 21:37

Cu hrawng vialte cu Jesuh cu Biakinn ah khan mi kha a cawnpiak hna i zanlei paoh ah khan lengah a chuak i Oliv Tlang ah khan a va riak tawn.

LUKA 21:38

Mi vialte cu amah bia ngaih awkah khan Biakinn ah khan zingka tein an kal tawn.

LUKA 4:20

Jesuh nih cazual cu a zual ṭhan i a zohkhenhtu kha a pek ṭhan i a ṭhu. Pumhnak inn i a ummi vialte nih amah cu ṭhep loin an zoh dih.

LUKA 5:3

Cu ka i a ummi lawng pakhat, Simon ta ah cun Jesuh cu a lut i tikam cun tlawm tein hei nam deuh u tiah a ti. Jesuh cu lawng chungah cun a ṭhu i mizapi kha a cawnpiak hna.

JOHAN 4:34

Jesuh nih cun a thawh hna i, “Ka rawl cu a ka thlahtu duhnak zulh le a ka fialmi rian liim kha a si.

JOHAN 8:20

Hi bia Jesuh nih a chimnak hi biakinn chung, thawhlawm kuang an hun hnanak hmun i a cawnpiak hna ah khan a si. A caan a tlin rih lo caah ahohmanh nih an tlai lo.

JOHAN 8:3

Phungbia cawnpiaktu saya hna le Farasi mi hna nih khan, minu pakhat va cungin pa aa duh lio i an tlaihmi kha an run luhpi i zapi hmaiah cun an dirter.

LAMKALTU 5:21

A bia cu lamkaltu hna nih khan an ngaih i khua a dei cangka tein biakinn chungah khan an lut i mizapi cu an cawnpiak hna. Tlangbawi Ngan le a hawile hna kha an ra i Sanhedrin khawngsil pumhnak kha an tuah, cucu Israel miphun khawngsil a ningpi in i pumhnak kha a si; cun lamkaltu hna kha kan hmaiah rak chuahpi hna u, tiin thonginn ah khan mi an hei thlah hna.