JOHAN 8:14 - Lai (Hakha) Common Language Bible 2006

¹⁴ Jesuh nih cun, “Keimah kong cu keimah i kaa chim a si hmanh ah ka chimmi cu ahmaanmi a si, zeicahtiah khuazei in dah ka rat le khuazei ah dah ka kal lai kha ka hngalh. Nannih nih cun khuazei in dah ka rat kha nan hngal lo i khuazei ah dah ka kal lai zong kha nan hngal lo.

Laibaibal Thiang (BSI)

¹⁴ Jesuh nih a leh hna i, “Ka kong i hngalhter hmanhning law, ka hngalhtermi bia hi a dikmi a si, zeitintiah khawzei in dah ka rat i khawzeiahdah ka kal lai kha ka hngalh, nannih nih ka chuahnâk le ka kalnâk ding nan hngal lo.

JOHAN 8:14 Iomraidhean Croise

PHUNGTHLÛKBIA 8:7

Ka kaa nih biatak a chim lai, holh ṭha lo hi ka hmur caah fihnung a si.

NAMBAR 12:3

Moses cu vawleicung mi vialte lakah lungnem bik a si.

JOHAN 10:36

Pa nih a thim i vawlei ah a run thlahmi keimah nih, ‘Pathian Fapa ka si,’ ka ti ruangah Pathian na serhsat tiah zeitindah nan ka ti khawh?

JOHAN 13:3

Jesuh nih cun ka Pa nih zeizong vialte kha ka kut chungah a ka pek dih i ka Pa sinin a rami ka si i ka Pa sinah ka kir ṭhan lai ti kha a hngalh caah

JOHAN 14:10

Keimah cu ka Pa chungah ka um i ka Pa cu keimah chungah a um kha na zum lo maw, Filip? Nannih kan chimhmi hna bia hi keimah chungin aa thawkmi an si ṭung lo, ka chung i a ummi ka Pa rianṭuannak pei an si cu.

JOHAN 16:28

Ka Pa sinin a rami ka si taktak i vawlei cungah hin ka ra; atu cu hi vawlei hin ka chuak lai i ka Pa sinah ka kal lai,” tiah a ti.

JOHAN 17:8

Na ka pekmi bia kha ka chimh hna i annih nih an cohlan; nangmah sinin a rami ka si kha a si taktak tiah an hngalh i nangmah i na ka thlah kha an zumh.

JOHAN 18:37

Cucaah Pilat nih cun, “Siangpahrang cu tah na si kun maw?” tiah a hal. Jesuh nih, “Siangpahrang na si tiah na ka ti. Hi vawlei ah ka chuah chan le ka rat chan cu biatak kong chim hi a si. Biatak kha a hna a phihkanh lomi paoh nih cun ka bia kha an ngaih,” tiah a ti.

JOHAN 5:31

“Keimah nih keimah kong kha kaa chim a si ahcun ka chimmi cu ahmaan taktak ti awk a si hnga lo.

JOHAN 8:42

Annih cu Jesuh nih, “Pathian kha nan Pa rak si taktak seh law cu keimah hi nan ka dawt ko hnga, zeicahtiah kei cu Pathian sinin a rami ka si i atu hika ka phan. Keimah duh in a rami ka si lo, amah nih a ka thlahmi ka si.

2 KORIN 11:31

Bawipa Jesuh i a Pathian le a Pa nih lih ka chim lo cu a hngalh — a min cu zungzal in thangṭhat si ko seh.

2 KORIN 12:11

Mihrut rianṭuan in rian ka ṭuan ai — nanmah nih cun pei nan ka hruhter ai cu. Nanmah hi a ka thangṭhattu ding nan si nain a ka hruhtertu nan si. Zeihmanh ka si lo nain “lamkaltu” ṭha khun, nan timi hna kha ka tluk lonak hna zeihmanh a um lo.

2 KORIN 12:19

Kan hmaiah anmah le anmah humhak an i zuam tiah ruah zong nan kan ruah sual ko lai. Cucu a si lo. Khrih nih chim hna seh ti a kan duhning in Pathian hmaiah kan chim i ka dawtmi ka hawile hna, kan tuahmi thil vialte hi nanmah bawmhnak caah si seh ti kan duh.

BIAPHUAN 1:5

Jesuh Khrih cu zumh awk a tlakmi tehte, hrin hmasa bikmi Fapa, thihnak in thawhter a simi a si i vawlei cung siangpahrang hna a uktu zong a si fawn. Kannih cu a kan dawt i a thihnak thawngin kan sualnak chung khan a kan chuah i

BIAPHUAN 3:14

“Laodisia khua i a ummi Khrihfabu vancungmi sinah hi bangin va ṭial tuah: Hi bia hi zumhawktlak le ahmaan taktakmi tehte Amen bia kha a si; amah cu Pathian nih a sermi vialte hram a si.