JOHAN 7:7 - Lai (Hakha) Common Language Bible 2006

⁷ Nannih cu vawlei nih hin an hua kho hna lo, sihmanhsehlaw na umtu ningcang a ṭha lo tiah ka chimh lengmang caah kei cu a ka huat.

Laibaibal Thiang (BSI)

⁷ Vawlei nih nannih an in hua kho hna lo, an tuahmi Ṭhatlonâk kha ka hngalhter tawn hna caah kei tu cu an ka huat.

JOHAN 7:7 Iomraidhean Croise

1 SIANGPAHRANG 21:20

Ahab nih Elijah cu, “Na ka hmuh cang mu, maw ka ralpa,” tiah a ti. Cun anih nih, “Bawipa mithmuh i thil ṭhalo tuah awkah khan nangmah le nangmah cu naa zuar cang caah, kan hmuh cang.

1 SIANGPAHRANG 22:8

Cun Israel siangpahrang nih Jehoshafat cu, “Bawipa kan hal khawhnak ding mipa a dang pakhat a um rih, amah cu Imlah fapa Mikaiah a si; sihmanhsehlaw ka kong ah thil ṭha chim bal loin thil ṭhalo lawng kha a chim caah ka huat,” tiah a ti. Cun Jehoshafat nih cun, “Cuticun siangpahrang nih chim hlah seh,” tiah a ti.

SALM 109:5

Ṭhatnak kha chiatnak in an ka lehrulh i dawtnak kha huatnak in an ka cham.

PHUNGTHLÛKBIA 15:12

Miporhlaw nih cun chimhhrinnak kha a duh lo, mifim hna sinah khan ruahnak va hal awkah a kal bal lo.

PHUNGTHLÛKBIA 8:36

Sihmanhsehlaw keimah a ka hmu lomi nih cun amah le amah kha aa hliam ko; a ka huatu vialte cu thihnak he aa duhmi an si,” tiah a ti.

ISAIAH 29:21

Mi congoih a hmangmi hna le misual dantat loin a luattertu hna le lihchim lomi nih biakhiahnak a dingmi an hmuh ding hmu kho loin a dawntu milihchim hna cu, Pathian nih a hrawh hna lai.

ISAIAH 49:7

Miphun kip nih fak piin an serhsat i an huat i, uktu hna sal a simi cu, Israel Pathian thiang le khamhtu nih, “Na luat kha siangpahrang nih an in hmuh lai i nangmah upatnak pek awkah an tho lai; bawi zong nih an in hmuh lai i nangmah upatnak pek awkah niam ngaiin an kun lai,” a ti. Bawipa, Israel Pathian thiang nih a sal cu a thim cang i a biakamnak cu a zulh caah, hi thil cu a tling lai.

JEREMIAH 20:8

Bia ka chim paoh ah a au in au a hau i Zaang-ennak le rawhralnak a um, tiah thanh a hau. Bawipa, na bia ka chim ruangah serhsat le nihsawh ka si thluangthluan ko.

LEVITIKAS 13:10

cun tlangbawi nih a zoh lai i a cuar ah a rangmi hmul a chuahtertu a rangmi phinnak a um i a phinnak ah cun a sa hring a langh ahcun,

ZEKHARIAH 11:8

Thla khat chungah tuukhal pathum cu ka hlawt hna, zeicahtiah an cungah ka lung a sau kho ti lo i annih nih an ka huat.

MALAKHI 3:5

Zung nan chuah tikah kan chuahpi hna lai i eihthiammi hna le vacung pa duhmi hna le lih in chiat a sermi hna le man phalh in fialmi hna rianṭuantu hna le nuhmei le ngakṭah cungah a ding loin thil a titu hna le khualmi kha lam thlangah a eng i keimah a ka ṭih lomi hna kha, anmah ralchanh in tehte ka si lai tiah ralkapbu Bawipa nih a ti.

LUKA 6:26

Mi vialte nih, an in chimthiam hna tikah nan caah ngaihchia a va si dah; zeicahtiah cuti te cun pei an pupa hna nih khan nal profet kha an rak ti hna cu,” a ti.

JOHAN 17:14

Kei cu hi vawlei ta ka si lo bantukin annih zong hi vawlei ta an si lo caah na bia kha ka chimh hna i vawlei nih cun a huat hna.

JOHAN 3:19

Biaceihning cu hitihin a si: ceunak cu vawlei cung hi a rung phan ko cang, sihmanhsehlaw mi nih thil ṭhalo kha an tuah caah ceunak nakcun muihnak tu kha an duh deuh.

ROM 8:7

Cucaah minung cu a lungthin kha minung sining nih a uk ahcun Pathian ral a si; zeicahtiah Pathian nawl kha a zul lo, a ngaingai ti ahcun a zulh in a zul kho lo.

GALATI 4:16

Atu cu biatak kan chimh hna ruangah nan ral ka si cang maw?

JEIM 4:4

Zumh awk tlak lo minung hna! Vawlei he i hawikomh hi Pathian he i ral a si ti kha nan hngal lo maw? Vawlei hawikom si a duhmi paoh nih cun Pathian ral ah an i ser ko.

1JOHAN 4:5

Annih nih cun vawlei cung thil kong kha an chim i vawlei mi an si caah an bia kha vawlei nih a ngaih.