JOHAN 7:4 - Lai (Hakha) Common Language Bible 2006

⁴ Mi nih ka hngal hna seh ti a duhmi paoh nih cun an tuahmi kha an thup bal lo. Hi thil hi nangmah i na tuahmi pei an si cu, vawlei cung dihlak nih na kong hi thei hna ngat seh!” an ti.

Laibaibal Thiang (BSI)

⁴ Zeitintiah mah minthannâk a kawlmi nih a thli in thil an tuah bal lo. Hi thil hna hi na tuah taktak ahcun vawlei hmai ah va langhter ngat,” tiah an ti.

JOHAN 7:4 Iomraidhean Croise

1 SIANGPAHRANG 22:13

Cun Mikaiah kawh awk i an thlahmi lamkaltu nih khan amah sinah cun, “Zohhmanh, profet hna cu lungnge tein a ṭha lei in siangpahrang sinah an bia a si; nangmah na bia zong annih lak i pakhat i a bia bantuk si ve seh law an duhning lei in chim ve ko,” tiah a ti.

MATTHAI 23:5

Zei paohpaoh kha mi hmuh rem lawngin an tuah. An cal i an i khih chihmi Cathiang bia khumhnak bawmte khi zeitluk in dah an ngan i an puanki khi zeitluk in dah an fual, zoh hna hmanh u!

MATTHAI 4:6

Cun a thawh i, “Nangmah cu Pathian Fapa na si ahcun, vawlei ah khin vung zuang tuah; zeicahtiah Cathiang nih pei, ‘Pathian nih nangmah kong ah a vancungmi kha nawl a pek hna i annih nih an kut in an in cawi lai i na ke cu lung ah naa khawng lai lo,’ a ti kha,” tiah a ti.

MATTHAI 6:16

“Mi depde pawl nih rawl an ulh tikah hmaichia fiamfuam in an i umter bantukin nannih cu rawl nan ulh tikah i umter ve hlah u. Rawl an ul ti kan hngal hna seh tiin rawl ṭam hnianghnuang in an i chawk. Hihi philh hlah u! Annih nih cun an laksawng kha tling tein an hmuh cang.

MATTHAI 6:5

“Thla nan cam tikah mi depde pawl nih an cam bantukin va cam hlah u. Annih nih cun, mi nih kan hmu hna seh, tiin pumhnak inn chung i dir riangmang i cam le zatlang lam tonnak i cam kha an duh. Hihi philh hlah u! Annih cu an laksawng kha tling tein an hmu cang.

LUKA 6:45

Miṭha nih a lung chung i thil ṭha a khonmi chung khan ṭhatnak a chuahter; miṭhalo nih a lung chung i thil ṭhalo a khonmi chung khan chiatnak a chuahter. Zeicahtiah mi nih a kaa in a chimmi hi a lung chung i a khatmi kha a si,” tiah a ti.

JOHAN 18:20

Jesuh nih cun, “Langhngan in mizapi kha ka chimh zungzal ko hna; ka cawnpiak hnanak cu a dihlak in Judah mi an i pumhnak inn le biakinn ah a si ko. A thli in zeihmanh ka chim bal lo.

JOHAN 7:3

cucaah a naule nih khan Jesuh cu, “Hika hin Judea ah va kal law na zultu hna nih khan na thil tuahmi cu rak hmu ve hna seh.

JOHAN 7:5

(A naule hmanh nih khan an zum lo).