JOHAN 7:3 - Lai (Hakha) Common Language Bible 2006

³ cucaah a naule nih khan Jesuh cu, “Hika hin Judea ah va kal law na zultu hna nih khan na thil tuahmi cu rak hmu ve hna seh.

Laibaibal Thiang (BSI)

³ A unau hna nih, “Hika hin Judia ramah va kal, na zultuhna nih na tuahmi hi an hmuh khawh nâkhnga.

JOHAN 7:3 Iomraidhean Croise

GENESIS 37:20

Ra u law that u sih, a ruak cu tikhor chungah kan hlonh lai; sahrang nih a seh kan ti lai. Cun a mang kha zeidah an lawh kan zoh tuah lai,” an ti.

JEREMIAH 12:6

Na unau, nangmah innchungkhar chung mi hrimhrim hmanh nih an in rawi cang; Nangmah tuk awkah khan an i thawh cio. Na sinah bia ṭhaṭha an chim hmanh ah zum hna hlah,” tiah a ti.

MATTHAI 12:46

Jesuh cu mizapi sinah bia a chim lengmang lioah khan a nu le a naule kha an ra. Lengah khan an dir i chawnh kan duh, tiah an ti.

MARKA 3:21

Cucu le mi nih, “A hrut cang,” an ti kha a chungle nih an theih tikah, kan va hnuh lai, tiah an i thawh.

MARKA 3:31

Cun Jesuh a nu le a naule kha an ra. Inn lengah khan an dir i innchung ah cun bia an vun cah.

LUKA 8:19

Jesuh a nu le a naule kha a sinah an ra, sihmanhsehlaw mi an tam tuk caah a sin an phan kho lo.

LUKA 8:20

“Na nu le na naule kha lengah an dir ko, ton an in duh,” tiah an chimh.

JOHAN 2:2

Jesuh le a zultu hna zong kha nupi ṭhitnak puai ah khan an sawm hna.

JOHAN 6:60

Cu bia cu a zultu mi tampi nih khan an theih i, “A cawnpiaknak hi a har tuk. Ahodah cu bantuk cu a ngai kho hnga?” an ti.

JOHAN 6:66

Cu ruangah cun a zultu tampi cu an i let ṭhan i an zul ti lo.

JOHAN 7:10

Asinain a naule an kal hnuah Jesuh zong cu a hung kal ve, langhngan tu in kal loin a thli tein a hung kal.

JOHAN 7:4

Mi nih ka hngal hna seh ti a duhmi paoh nih cun an tuahmi kha an thup bal lo. Hi thil hi nangmah i na tuahmi pei an si cu, vawlei cung dihlak nih na kong hi thei hna ngat seh!” an ti.

JOHAN 7:5

(A naule hmanh nih khan an zum lo).

LAMKALTU 2:14

Khi tikah Peter cu lamkaltu hleikhat hna he khan a hung dir i, aw thang ngaiin a thawh hna i, “Ka phun hawi Judah mi hna le Jerusalem khua ah a ummi vialte hna, hiti in thil a hung ummi sullam hi zeidah a si tiah kan chimhmi hna hi ṭha tein ngai tuah u.

1 SAMUEL 17:28

Cun a u upa bik Eliab nih mi hna sin i bia a chim kha a rak theih i David cungah cun a thin a hung i, “Zeidah na ra tuah?” Kha tuu, tlawmte kha ramlak ah khan aho sinah dah na kaltak hna? Na ninghngalte le raltuk zoh awkah na ra ko hih?” tiah a ti.