JOHAN 7:27 - Lai (Hakha) Common Language Bible 2006

²⁷ Sihmanhsehlaw Messiah cu a rat tikah cun, khuazei in dah a rat kha ahohmanh nih an hngalh ṭung lai lo, hi pa cu khuazei in dah a rat ti kha kan dihlak in kan hngalh fawn ṭung,” an ti.

Laibaibal Thiang (BSI)

²⁷ Asinain kannih nih hipa hi a chuahnâk tiangin kan hngalh dih fawn,” tiah an ti.

JOHAN 7:27 Iomraidhean Croise

ISAIAH 11:1

Siangpahrang David ciruang hi haumi thingkung bantuk a si; chumhmui in nge thar an corh bantukin David tefa chungin siangpahrang thar pakhat a chuak lai.

ISAIAH 53:8

An tlaih, thah awkin bia an khiah i thah awkah an kalpi, zei ti a va um te lai ding kha ahohmanh an zei a poi lo.

JEREMIAH 23:5

David ruang in a dingmi Nge pakhat ka corhter lai caan a ra lio, tiah Bawipa nih a ti. Cu siangpahrang nih cun fimnak in a uk hna lai i Ram chungah phung le dinnak kha a hmunhter lai.

JEREMIAH 30:21

Anmah chung mi kha an uktu ah a chuak lai i Anmah mi hrimhrim kha an bawi ah a si lai. Ahohmanh nih anmah tein an ka naih ngam bal lo caah, Keimah nih amah cu, ka naih, tiah ka ti lai i a ka naih lai, tiah Bawipa nih a ti.

MIKAH 5:2

Sihmanhsehlaw Bethlehem Efrath, nangmah cu Judah ram chungah a hme bik khua hna lakah naa tel ve nain, Nangmah chungin Israel uktu a chuak lai. Amah a hram cu kan hnuleipi caan, a luan cangmi caan chungah khan a um cangmi a si.

MARKA 6:3

Mary fapa, lehtama kha a si lo maw? Jeim le Joses le Judas le Simon hna u kha a si lo maw? A farle zong kha hika ah an um ko lo maw?” an ti. Cucaah cun zei ah an rel lo.

LUKA 4:22

An lung a hmuh ngaingai hna i bia dawhdawh a chimmi nih khan an khuaruah a harter dih hna. An i thawh i, “Amah hi Josef fapa kha a si lo hlah i?” an ti.

JOHAN 6:42

Cucaah an i thawh i, “Hi pa hi Josef fapa Jesuh kha a si lo hlah i? A nu kan hngalh, a pa kan hngalh, zeitindah vancung in ka rung, tiah a ti kun?” an ti.

JOHAN 7:15

Judah upa pawl cu an khuaruah a har i, “Hi pa hi sianginn ah a kai bal ṭung lo, zeitindah hi zatzat hi a hngalh hnga?” an ti.

JOHAN 9:29

Pathian nih Moses sinah bia a chim ti cu kan hngalh, sihmanhsehlaw kha pa kha cu, a ratnak khuazei in a si ti hmanh kan hngal lo,” an ti.

LAMKALTU 8:33

Ningzahnak kha a in, chanhtu ahohmanh a ngei lo. Hi vawlei cung a nunnak cu a dongh cang caah a tefa hna kong kha ahohmanh nih an chim kho lai lo.”