JOHAN 7:23 - Lai (Hakha) Common Language Bible 2006

²³ Cucaah Moses Nawl buar lonak ding caah Sabbath ni hmanh ah nan fale cu an cuarpar nan tan hna ahcun, zeicahdah kei nih Sabbath ni ah mi kha tlamtling tein ka damter caah ka cungah nan thin a hun?

Laibaibal Thiang (BSI)

²³ Mi nih Sabbath ni ah cuarpar a tan i Moses nawlbia buar a si lo ahcun, Sabbath ni i mi ka damter ruangah ka cungah nan thin a hung lai maw?

JOHAN 7:23 Iomraidhean Croise

EXODUS 31:14

Cucaah cun dinhnak ni cu nan ca i ni zarh ah ser a si cang caah, nan ulh hrimhrim awk a si. A ul lomi cu thah a si hrimhrim lai. Dinh ni i rian a ṭuanmi paoh cu a phun hawi sinin thlei a si hrimhrim lai.

MATTHAI 12:10

Cuka ah cun a kut a zengmipa pakhat a rak um. Khika i a ummi hna lakah khan Jesuh cu sualphawt a duhmi an um caah amah cu, “Sabbath ni ah hin mi damter phung a si maw si lo?” tiah an hal.

MATTHAI 12:2

Cucu Farasi mi nih an hmuh hna tikah Jesuh cu an thawh i, “Zohhmanh, Sabbath ni ah tuah lo ding timi kha na zultu hna nih an tuah,” an ti.

MATTHAI 12:5

Cu pinah, Sabbath ni fate tlangbawi hna nih biakinn chungah Sabbath phunglam kha an buar lengmang nain an sual lo timi kha Moses Nawlbia chungah nan rel bal lo maw?

JOHAN 5:10

Cu ni cu Sabbath ni a si ngelcel. Cucaah Judah upa hna nih khan damnak a hmu mipa cu an thawh i, “Nihin cu Sabbath ni a si i na ihphah i put cu kan Phung nih aan onh lo,” tiah an ti.

JOHAN 7:21

Jesuh nih cun, “Thil lianngan pakhat ka vun tuah i nan dihlak in nan khuaruah a har.

JOHAN 9:16

Farasi mi a cheu nih cun, “Hi thil a tuahtu hi Pathian sinin a rami a si kho lai lo, zeicahtiah Sabbath ni phung kha a buar,” an ti. Sihmanhsehlaw a cheu nih khan, “Zeitindah misual a simi nih cun cu bantuk hmelchunhnak cu a tuah khawh lai,” an ti ve. Cucaah cun an i cheu.