JOHAN 7:17 - Lai (Hakha) Common Language Bible 2006

¹⁷ Pathian duhnak tuah a duhmi hna nih cun, kan cawnpiakmi hna hi Pathian sinin a rami maw a si keimah i ka hei in cawnpiak menmenmi hna dah a si, ti kha nan hngalh ko lai.

Laibaibal Thiang (BSI)

¹⁷ Amah duhnâk tuah a duhmi pauh nih ka cawnpiakmi hi Pathian sin in maw a si, keimah ṭawnchawm dah a si a hngalh ko lai.

JOHAN 7:17 Iomraidhean Croise

SALM 119:10

Ka lungthin a dih umnak in na rian ṭuan kha kaa zuam; na nawlbia kha zul loin ka umnak hnga lo ka bawm.

SALM 25:12

Bawipa nawl a zulmi nih an zulh awk hnga lam kha an hngalh lai.

SALM 25:14

Bawipa cu a nawl a zulmi hna hawikom a si i a biakam kha a cawnpiak hna.

PHUNGTHLÛKBIA 28:5

Miṭhalo nih biading hi zeidah a si kha an hngal lo, sihmanhsehlaw Bawipa a kawlmi hna nih cun tling tein an hngalh cikcek.

PHUNGTHLÛKBIA 3:32

Zeicahtiah mi lungthin ṭhalo cu Bawipa caah fihnung an si i miding mi cu Pathian nih a zumhmi an si.

ISAIAH 35:8

Cuka ah cun lam nganpi pakhat a um lai i a min ah “Thiannak Lam” ti a si lai. Hi lam cu misual mi nih an zul lai lo i hi lam a zulmi cu mihrut nih an pialter kho hna lai lo.

DANIEL 12:10

Mi tampi cu an i thianh lai i an thiang lai, vaar virver in an um lai, sihmanhsehlaw miṭhalo hna nih cun an hngal lai lo i ṭhat lonak kha an tuah lengmang ko lai, hruaitu fim hna lawng nih khan an hngalh lai.

HOSEA 6:3

Bawipa hngalh cu i zuam u sih, Khua a dei hrimhrim lai bantukin, kan sinah a ra hrimhrim lai; Vawlei a hnawntertu ding ṭhal ruah a sur hrimhrim lai bantukin kan sinah a ra hrimhrim lai.

MIKAH 4:2

“Ra u law Bawipa tlang ah cun kai hna u si, Jakob Pathian inn ah cun kal hna u si, Kannih cu a lam kha kan cawnpiak seh law A lam cu kannih nih zul u si,” an ti lai. Zeicahtiah cawnpiaknak cu Zion in a chuak i, Bawipa bia cu Jerusalem khua in a ra;

MALAKHI 4:2

Sihmanhsehlaw ka min a ṭihzahmi nannih caah cun, dinnak ni, a thla ah damnak a hun i zuanpimi ni cu a hung chuak lai i kawm chungin chuahmi cawfano hna bantukin nan luat lai i nan i lawm lai.

MATTHAI 6:22

Mit hi pum caah meiinn a si. Nan mit a ṭhat ahcun nan pum cu a dihlak in ceunak in a khat lai;

LUKA 8:15

Vawlei ṭha ah a tlami thlaici cu bia kha lungtho tein a thei i an lung chungah ṭha tein aa cinken i a thei a tlai tiangin aa zuammi cu an si,” tiah a ti.

JOHAN 3:21

Sihmanhsehlaw thil hmaan a tuahmi cu ceunak ah khan a ra i a tuahmi kha Pathian duhnak zulh in a si ti cu ceunak nih cun a langhter,” tiah a ti.

JOHAN 8:43

Zeicahdah ka chimmi hi nan hngalh khawh lo? Ka bia kha nan theih khawh lo caah a si.

JOHAN 8:44

Nannih cu nan pa Khuachia fa kha nan si i tuah nan duhmi cu nan pa duhnak kha a si. Amah cu a hramthawk tein lainawng a rak si. Biatak kha zeitikhmanh ah a ṭanh bal lo, zeicahtiah a chungah biatak zeihmanh a um lo. Lih a chim tikah a tuah tawn zungzalmi kha a tuah a si ko, zeicahtiah anih cu milihchim a si i lih vialte pa a si.

JOHAN 8:47

Pathian sinin a rami nih cun Pathian bia kha a ngaih, sihmanhsehlaw nannih cu Pathian sinin a rami nan si lo i cucaah cun nan ngaih duh lonak cu a si,” tiah a ti hna.

LAMKALTU 17:11

Khika mi hna cu Thesalonika khuami nakkhan an lung a kau deuh. An chimmi kha lungtho ngaiin an ngaih i Paul nih a chimmi kha a si taktak maw si taktak lo ti hngalhnak caah nifate in Cathiang chung kha an kawl.