JOHAN 6:51 - Lai (Hakha) Common Language Bible 2006

⁵¹ Vancung in a rung ṭummi nunnak changreu cu keimah hi ka si. Hi changreu a eimi paoh cu zungzal in an nung lai. Ka pekmi hna changreu cu ka sa hi a si, cucu zeicahdah ka pek hna ti ahcun, vawlei hi a nun nakhnga caah a si,” tiah a ti.

Laibaibal Thiang (BSI)

⁵¹ Keimah hi van in a rungṭummi changreu nung ka si. Hi changreu a eimi pauh, zungzal in a nung peng lai. Vawlei nunnâk dingah ka pêk hngami changreu cu ka taksa hi a si.” tiah a ti.

JOHAN 6:51 Iomraidhean Croise

MATTHAI 20:28

Cuticun pei Mi Fapa hi a si cu, rian ṭuanpiak dingah ka rat ṭung lo, mi tampi an rian ṭuanpiak awk le annih tlanhnak ca i ka nunnak pek awkah pei ka rat cu,” tiah a ti hna.

LUKA 22:19

Cun chang kha a lak i Pathian sinah lawmhnak bia a chim hnuah a cheu i annih cu a pek hna i, “Hihi ka pum a si, nan ca i ka pekmi cu. Keimah philh lonak ah run tuah u,” tiah a ti.

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

JOHAN 1:29

A thaizing ah Johan nih cun Jesuh cu a sin i a rat kha a rak hmuh i, “Zohhmanh u, Pathian Tuufa, vawlei sualnak a kalpitu khi!

JOHAN 11:26

Cun ahohmanh a nung i keimah kha a ka zummi cu an thi bal lai lo. Hihi na zum maw?” a ti.

JOHAN 3:13

Vancung in a rung ṭummi Mi Fapa dah ti lo cu ahohmanh vancung i a kaimi an um bal lo.”

JOHAN 3:14

Moses nih dar rul kha thetse ram lakah a tar bantuk khan Mi Fapa zong hi tar a si ve lai.

JOHAN 3:16

Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai.

JOHAN 3:36

Fapa a zummi paoh cu zungzal nunnak an ngei, Fapa nawl a ngai lomi paoh cu nunnak an ngei bal lai lo i Pathian thinhunnak cu an cungah a um zungzal ko lai.

JOHAN 5:24

“Biatak kan chimh hna: ka bia a thei i a ka thlahtu kha a zummi paoh cu zungzal nunnak a ngei. Amah cu biaceihnak a ing lai lo, sihmanhsehlaw thihnak in nunnak ah a lan cang.

JOHAN 6:33

Zeicahtiah Pathian pekmi changreu cu vancung in a run thlahmi hi a si i amah nih cun vawlei hi nunnak kha a pek,” tiah a ti hna.

JOHAN 6:35

Jesuh nih cun, “Nunnak changreu cu keimah hi ka si. Ka sin i a rami cu ahohmanh an rawl a ṭam lai lo i keimah a ka zummi cu ahohmanh an ti a hal lai lo.

JOHAN 6:41

“Vancung in a rung ṭummi changreu cu keimah hi ka si,” tiah a ti caah khan Judah mi cu an zai.

JOHAN 6:47

Biangai kan chimh hna: a zummi cu zungzal nunnak an ngei.

JOHAN 6:48

Nunnak changreu cu keimah hi ka si.

JOHAN 6:50

Asinain vancung in a rungmi changreu a eimi paoh cu an thi lai lo.

JOHAN 7:38

Cathiang nih, ‘Keimah a ka zummi paoh cu a lung chungin tiva nung an put lai,’ tiah a ti bantuk khan a si lai,” tiah a ti.

2 KORIN 5:19

Cucaah kannih kan biapi cu, Pathian nih mi vialte kha Khrih thawngin hawi ah a ser hna, ti hi a si. Pathian nih an sualnak kha anmah sual phawtnak ding caah cazin chungah a khumhpiak hna lo i kannih cu a hawi i a ser hnanak bia chim kha a kan fial.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

EFESA 5:2

Khrih nih a kan dawt i a nunnak kha kan caah a pek bantukin, kannih zong kan nunnak cu dawtnak nih a uk ve awk a si. Khrih nih kan ca i a pekmi a nunnak cu Pathian duhmi raithawinak le pekchanhmi rimhmui cu a si.

EFESA 5:25

Vale hna, Khrih nih khrihfabu cu a dawt i a nunnak a pek bantukin, nannih zong nih nan nupile kha nan dawt hna awk a si.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

HEBRU 10:20

Cu luhnak ah cun puanzar kha a thleh i lam thar nunnak lam kha a kan hunpiak — puanzar cu a pum kha a si.

1 PETER 2:4

Cucaah Bawipa sinah khan ra tuah u; amah cu a nungmi Lung, minung nih hlaw hmanh hna seh law Pathian nih a sungmi ah a relmi kha a si.

1JOHAN 2:2

Cun kan sualnak ngaihthiam kan sinak cu Khrih thawng cun a si i kanmah sualnak lawng si loin mi vialte zong an sualnak kha ngaihthiam an si lai.

1JOHAN 4:10

Dawtnak cu, Pathian kan rak dawt hi a si lo, amah nih a kan dawt i kan sual ngaihthiamnak caah a Fapa kan sinah a run thlah hi a si.

1JOHAN 4:14

Pa nih a Fapa kha vawlei khamhtu ah a run thlah, ti a hmutu le midang a chimtu hna cu kanmah hi kan si.