JOHAN 6:26 - Lai (Hakha) Common Language Bible 2006

²⁶ Jesuh nih cun, “Biatak kan chimh hna: nan ka kawl hi ṭhawnnak in ka tuahmi thil nan hngalh caah khan a si lo; nan duh zat in changreu nan ei caah khan a si ko.

Laibaibal Thiang (BSI)

²⁶ Jesuh nih, “Biataktein, biataktein kan chimh hna, hmelchunhnâk nan hmuh ruangah, nanka kawlmi a si lo, changreu khim tein nan ei ruangah a si.

JOHAN 6:26 Iomraidhean Croise

SALM 78:37

Amah sinah khan zumhawktlak in an um lo, amah sin i bia an i kammi kha an zul lo.

EZEKIEL 33:31

Cucaah ka mi hna cu, mi nih an tuah tawn cio bantukin, an ra hungmang lai i na hmaiah an ṭhu lai. Chimh awk na ngeihmi hna bia cu an theih lai, sihmanhsehlaw an tuah lai lo. ‘Bia ṭha an si,’ an ti lai, sihmanhsehlaw an lung cu mah pumpak miaknak cio lawngah khan fek tein an bunh cang.

JOHAN 3:3

Jesuh nih cun, “Biatak tein kan chimh: Ahohmanh hrin ṭhan a si lo ahcun Pathian Pennak kha a hmu kho lai lo,” tiah a leh.

JOHAN 3:5

Jesuh nih cun, “Biatak tein kan chimh: ahohmanh ti le thlarau in hrin a si lo ahcun Pathian Pennak chungah cun a lut kho lai lo.

JOHAN 6:14

Cuka i a ummi hna nih cun hmelchunhnak a tuahmi kha an hmuh tikah, “Hi pa hi vawlei cungah a ra lai timi Profet kha a si hrimhrim ko,” an ti.

JOHAN 6:15

Jesuh nih cun hramhram in siangpahrang i ser awkah hung hnuh an ka duh ti kha a hngalh caah tlang cungah khan amah lawngin a kal ṭhan.

JOHAN 6:2

Jesuh nih mizaw a damter hna tikah hmelchunhnak a tuahmi kha an hmuh caah mi run tampi nih amah cu an zulh.

JOHAN 6:24

Mizapi nih cun khika ah Jesuh siseh a zultu si hna seh an um lo ti kha an hmuh tikah lawng khan Kapernaum khua ah cun an kal i amah cu an va kawl.

JOHAN 6:30

Annih nih, “Kan in zumh khawh nakhnga, zei hmelchunhnak dah na tuah lai? Kannih nih kan hmuh i kan in zumh nakhnga ding caah zeidah na tuah lai?

JOHAN 6:36

Sihmanhsehlaw ka chim bang khan, a hmuh cu nan ka hmu cang ko nain nan ka zum duh lo.

JOHAN 6:47

Biangai kan chimh hna: a zummi cu zungzal nunnak an ngei.

JOHAN 6:53

Jesuh nih khan annih cu, “Biatak kan chimh hna: Mi Fapa ka sa hi nan ei lo i ka thi hi nan din lo ahcun nan chungah nunnak nan ngei kho lai lo.

JOHAN 6:64

Asinain a cheu nih cun nan zum lo,” tiah a ti. (Jesuh nih khan a hramthawkte in ahodah a zumtu an si lai i ahodah a ka leitu a si lai ti kha a hngalh ko.)

ROM 16:18

Zeicahtiah cu bantuk rian a ṭuanmi cu kan Bawipa Khrih rian an ṭuan kha a si lo i anmah duhnak tu an tuah kha a si deuh. An hmurka ṭha le an mi hloi thiamnak in lungmawng zaran vialte kha an hlen hna.

FILIPI 2:21

Midang cu anmah rian lawng kha an ruat cio i Jesuh Khrih kong kha an ruat lo.

FILIPI 3:19

Annih cu hell ah an tla ko lai, zeicahtiah an Pathian cu an pumsa duhnak kha an si ko i ningzah awk a simi thil kha an i porhlaw i hi vawlei cung thil lawnglawng kha an ruat.

1TIMOTE 6:5

le dong loin bia i al lengmangnak kha a chuahter: biatak a ngei ti lomi cu hi bantuk hi an si ko. Biaknak hi rumnak lam pakhat ah an ruah.