JOHAN 5:7 - Lai (Hakha) Common Language Bible 2006

⁷ Mizaw pa nih cun, “Bawipa, ti a hung cangh tikah kei cu tili chungah paihtu ka ngei lo i vung luh kaa timh paoh ah khan pakhat khat nih an ka chawhkanh zungzal,” tiah a leh.

Laibaibal Thiang (BSI)

⁷ Mizaw pa nih, “Ka pu, ti a cangh lio ah chiatu ka ngei lo, ka vung zuan lio ah midang nih anka phâk kanh tawn,” tiah a ti.

JOHAN 5:7 Iomraidhean Croise

SALM 142:4

Ka pawngkam kha ka zoh tikah, a ka bawmtu ding ahohmanh ka hmu hna lo, a ka hupphengtu ding ahohmanh an um lo, ahohmanh ka zawn a ka ruattu an um lo.

SALM 72:12

Amah a autu sifakmi hna le retheimi hna, mi nih zei ah an rel lomi hna kha, a chanh hna.

JOHAN 5:2

Tuu Kutka timi pawngah khan tidil pakhat a um i a kam ah cun deu deu nga an um. Cu tidil cu Hebru holh cun Beth-zatha an ti.

JOHAN 5:3

Cu deu chungah cun mizaw cu an ril liangluang ko, a cheu cu mitcaw an si, a cheu cu kebei an si, a cheu cu mizeng an si. (

JOHAN 5:4

A zei maw caan ah Bawipa vancungmi kha a vung ṭum tawn i ti cu a vung cangh tawn. Ti a cangh tikah aa paih hmasa bik paoh cu an zawtnak khan an dam tawn, cucaah cun cu mizaw hna cu ti cangh cu an hngak ko.)

JOHAN 5:6

Cuka i a rilh ko cu Jesuh nih khan a hmuh i kha can riamruam a zawtnak a si cang kha a hngalh caah amah cu, “Dam na duh maw?” tiah a hal.

ROM 5:6

Zeihmanh a tuah kho lomi kan si ko lioah khan, cu caan thengte ah cun mi ṭha lomi kan caah Khrih kha a thi.

1 KORIN 9:24

Tlik zuamnak ah an dihlak in tlik cu an i zuam nain laksawng a hmumi cu pakhat lawng a si ti kha nan hngalh. Cucaah laksawng hmu ding tein tli u.

DEUTERONOMI 32:36

Zeitintiah, an ṭhawnnak kha a loh cang i Khihmi siseh, a luatmi siseh, Pakhat hmanh an tang ti lo ti kha Bawipa nih a hmuh tikah, A mi cu thiam a coter hna lai i A sal hna cungah zaangfahnak a ngei lai.