JOHAN 5:44 - Lai (Hakha) Common Language Bible 2006

⁴⁴ Nannih cu pakhat nih pakhat sinin thangṭhatnak hmuh nan duh, asinain Pathian sinin thangṭhatnak hmuh cu nan i zuam lo; cucaah cun zeitindah zumhnak cu nan ngeih khawh bal hnga.

Laibaibal Thiang (BSI)

⁴⁴ Nannih mah le mah â conglawmmi hna. Pathian in a chuakmi conglomhnâk kawl loin zeitindah nan zumh khawh lai?

JOHAN 5:44 Iomraidhean Croise

2 CHANRELNAK 6:8

Sihmanhsehlaw Bawipa nih ka pa David cu a thawh i, ‘Ka min ca i inn sak awk kha na lung chung i a um caah, mah cucu na lung chung i na umter cu a ṭha;

JEREMIAH 13:23

Ethiopia mi nih a cuar kha aa thlen khawh maw? Cakei nih tah a ṭial kha aa thlen khawh maw? I thleng kho hna seh law cu, nannih ṭhat lonak dah ti lo zeidang tuah a thiam lomi zong nih hin ṭhatnak kha nan tuah ve hnga.

MATTHAI 23:5

Zei paohpaoh kha mi hmuh rem lawngin an tuah. An cal i an i khih chihmi Cathiang bia khumhnak bawmte khi zeitluk in dah an ngan i an puanki khi zeitluk in dah an fual, zoh hna hmanh u!

LUKA 19:17

Aa thawh i, ‘A ṭha, nangmah cu sal ṭha na si. Thil hmete ah zumhawktlak na si caah khua pahra uktu ah kan chiah lai,’ a ti.

JOHAN 12:43

Minung sinin mithmai ṭha hmuh kha Pathian sin i hmuh nakkhan an duh deuh.

JOHAN 17:3

Cun Pathian taktak a simi nangmah hngalh le nangmah nih na thlahmi Jesuh Khrih hngalh hi zungzal nunnak cu a si.

JOHAN 3:20

Thil ṭhalo a tuahmi paoh nih cun ceunak kha a huat i ceunak i rat kha a duh lo, zeicahtiah thil ṭhalo a tuahmi langh kha a duh lo.

JOHAN 5:41

“Mi sinin thangṭhatnak hmuh ding kha ka kawl lo.

JOHAN 8:43

Zeicahdah ka chimmi hi nan hngalh khawh lo? Ka bia kha nan theih khawh lo caah a si.

ROM 2:10

Sihmanhsehlaw ṭhatnak a tuahmi vialte cu Pathian nih sunparnak, upatnak le daihnak kha a pek hna lai; pek hmasami cu Judah mi kha an si lai i cun Jentail mi kha an si ve lai.

ROM 2:29

chunglei in Judah mi a si i a lung chungin cuarpar aa tanmi kha Judah mi taktak cu a si. Cucu ṭialmi Nawlbia rian ṭuannak kha si loin Pathian Thlarau rianṭuannak kha a si. Cu bantuk mipa cu minung sinin si loin Pathian sinin thangṭhatnak kha a hmu.

ROM 2:7

Micheu nih thil ṭha kha an tuah lengmang i sunparnak le upatnak le zungzal nunnak kha an kawl; cu hna cu Pathian nih zungzal nunnak kha a pek ko hna lai.

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

2 KORIN 10:18

Zeicahtiah mi cu amah le amah kha ka ṭha tiin aa ruah tikah hin Pathian nih a cohlan a si lo i Bawipa nih a ṭha ti in a ruah lawngah hin a cohlan a si.

FILIPI 2:3

Pakhat le pakhat i entainak le mah pumpak thangṭhat kawlnak kha nan lakah umter hlah u. Toidornak lungthin tu kha ngei cio u law midang nakin ka ṭha deuh tiah zeitikhmanh ah vaa ruat hlah u.

1THESALON 2:6

Khrih lamkaltu kan si bantukin a hnek zong kan in hnek kho ko hna hnga nain, ahohmanh nanmah zong midang zong, nan sinin thangṭhatnak hmuh kan i zuam lo. Nu nih a fale a zohkhenh hna bantuk tu in nan sinah khan nem tein kan um.

1TIMOTE 1:17

Zungzal in a hmunmi Siangpahrang, thih a thiam lomi le mit in hmuh khawh a si lomi Pathian, Amah lawnglawng Pathian a simi cu, zungzal in zungzal tiang, upatnak le sunparnak, pek si ko seh! Amen.

HEBRU 3:12

Ka u le ka nau hna, a nungmi Pathian zamtak a duhmi lungthin ṭhalo le Pathian bochan duh lonak lungthin a ngeimi nan um sual nakhnga lo i ralring u.

JEIM 2:1

Ka u le ka nau hna, sunparnak Bawi, Bawipa Jesuh Khrih a zummi nan si bantukin mi thleidannak lungthin zeihmanh ngei hlah u.

1 PETER 1:7

Hneksaknak nan inmi cu nan zumhnak kha a tak maw tak lo ti hngalhnak caah a si lai. Hrawh khawh a simi thil cu, sui hmanh hi hneksak a hau, cucaah sui nakin let tam piin a sung deuhmi nan zumhnak cu, hneksaknak kha chuak lakin a in khawh nakhnga, hneksak a hau ve. Cun Jesuh Khrih a langh Ni ah cun thangṭhatnak le upatnak le sunparnak kha nan hmuh lai.

JUDAS 1:25

kan Pathian le kan Khamhtu cungah cun, a liam ciami caan vialte in atu caan in zungzal caan tiang, kan Bawipa Jesuh Khrih thawngin, lianhngannak le sunparnak le ṭhawnnak le nawlngeihnak cu, um zungzal ko seh! Amen.

1 SAMUEL 15:30

Cun amah nih khan, “Ka sual ko cang; sihmanhsehlaw atu cu ka mi hna i an upa hna hmai le Israel mi hmaiah hin upatnak ka pe law ka kirpi ko. Bawipa na Pathian cu ka biak nakhnga,” tiah a ti.

1 SAMUEL 2:30

Cucaah Bawipa Israel Pathian nih, “Na chungle hna le na pa chungle hna cu zungzal in ka hmaiah an lut an chuak lai,” tiah ka rak ti taktak, sihmanhsehlaw atu cu Bawipa nih hitin a thanh: A si naisai ti lai lo, zeitintiah a ka upatmi cu ka upat hna lai i a ka zawmtaimi cu zei ah ka rel hna lai lo.