JOHAN 5:28 - Lai (Hakha) Common Language Bible 2006

²⁸ Hi kongah hin lau hlah u; thlan chung i a ummi mithi vialte nih a aw an theih lai caan kha a ra lio,

Laibaibal Thiang (BSI)

²⁸ Hihi nan khuaruah har hlah seh, thlân i a ummi vialte nih a aw an theih cân a phân lai,

JOHAN 5:28 Iomraidhean Croise

ISAIAH 26:19

Kan mi hna a thimi kha an nung ṭhan lai! An pum kha a nung ṭhan lai. An thlan i a itmi vialte kha an i hlau lai i lunglawm in hla an sa lai. Dapti nih vawlei cu a hrinter ṭhan bantukin a thi ciami cu Bawipa nih a nunter ṭhan hna lai.

DANIEL 12:2

Leidip chungah a itmi hna lakin tampi cu an hun i ṭhang lai, a cheu cu zungzal nunnak chungah an hun i hlau lai i a cheu cu zungzal huatnak le ningzahnak chungah an hun i hlau lai.

HOSEA 13:14

Hi mi hna hi Sheol chungin ka khamh hna lai lo, Thihnak ṭhawnnak chung zongin ka chuah hna lai lo. Maw thihnak, na rai hna he cun ra tuah! Sheol, hrawh khawhnak ṭhawnnak na ngeihmi he cun ra tuah! Hi mi hna hi an cungah zaangfahnak zeihmanh ka ngei lo.

JOHAN 3:7

‘Hrin ṭhan nan si hrimhrim awk a si,’ ka ti tikah na khuaruahhar hlah.

JOHAN 4:21

Jesuh nih cun a thawh i, “Minu, ka chimmi hi zum; mi nih Pa cu hi tlang ah siseh, Jerusalem ah siseh an biak lo caan a phan lai.

JOHAN 4:23

Sihmanhsehlaw Pathian a bia taktakmi nih cun thlarau le biatak in an biak caan kha a ra lio i hika hi a phan cang. Hi bantukin a biami hna hi Pa nih a duhmi cu an si.

JOHAN 5:20

Zeicahtiah ka Pa nih khan a ka dawt i a tuahmi vialte kha Fapa hi a ka hmuhsak dih. Hi nakin a ngan deuhmi hmanh hi tuah awkah a ka hmuhsak lai i nan khuaruah a har lai.

JOHAN 5:25

Biatak kan chimh hna: Mithi nih Pathian Fapa aw an theih i a thimi paoh an nun lainak caan kha a ra lio i a phan cang.

LAMKALTU 24:15

hi sual a ka phawtu hna zong nih an i ruahchan vemi, minung hi mi ṭha he mi ṭhalo he thihnak in kan tho ṭhan dih lai, ti hi kaa ruahchanmi a si ve.

LAMKALTU 3:12

Peter nih a rak hmuh hna tikah khan a rak thawh hna i, “Ka phun hawi Israel mi hna, zeicahdah hi thil kongah nan khuaruah a har i kanmah lehlam cu ngang koin nan kan zoh? Hi pa kan kalter khawh hi kanmah ṭhawnnak in le Pathian hmai i kan ṭhatnak thawngin maw a si tiah nan ruah?

1 KORIN 15:22

Adam he an i pehtlaihnak thawngin mi vialte cu an thih bantukin, Khrih he an i pehtlaihnak thawngin mi vialte cu nunnak ah thawhter an si lai.

FILIPI 3:21

A der i a thi khomi kan pum cu a sunglawimi amah pum bantuk ah khan a kan thlen lai i cu tuahnak ah cun zeizong vialte amah uknak tang i a chiah hnanak ṭhawnnak kha a hman lai.

BIAPHUAN 20:12

Cun mithi mi kha, a ngan he a hme he, bawiṭhutdan hmai i an ṭhut kha ka hmuh. Cauk kha an kau hna, cun cauk a dang pakhat, nunnak cauk zong kha an kau ve. Mithi cu an rak tuahmi cauk chung i aa ṭialning khan an bia an ceih hna.