JOHAN 5:10 - Lai (Hakha) Common Language Bible 2006

¹⁰ Cu ni cu Sabbath ni a si ngelcel. Cucaah Judah upa hna nih khan damnak a hmu mipa cu an thawh i, “Nihin cu Sabbath ni a si i na ihphah i put cu kan Phung nih aan onh lo,” tiah an ti.

Laibaibal Thiang (BSI)

¹⁰ Cucaah Judah mi nih a dammi pa sinah, “Sabbath ni a si, na ihphah nalâk hi phungning a si lo,” tiah an ti.

JOHAN 5:10 Iomraidhean Croise

ISAIAH 58:13

Bawipa nih, “Sabbath ni cu nizarh ah nan rel i cu ni ah cun nanmah duhnak tuah kha nan i sum i ka nizarh cu nan sunhsak i nan upat i cu ni ahcun khual tlawng lo le rian ṭuan lo le holh sawhsawh loin nan um ahcun,

JEREMIAH 17:21

Hitihin Bawipa nih a ti: Nannih nih sabbath ni ah thil nan phorh nakhnga lo le Jerusalem kutka hna zongah hin nan luhpi hna nakhnga lo, ṭha tein i ralring u.

JEREMIAH 17:27

Sihmanhsehlaw sabbath ni kha thiang tein ulh awk le sabbath ni ah thil phorh lo le Jerusalem kutka ah luhpi lo awk i ka bia kha nan ngaih lo ahcun, hi kutka hna cu mei in ka khangh hna lai; Jerusalem khua i siangpahrang inn hna kha a kangh hna lai i a mit lai lo,” tiah a ti.

MATTHAI 12:10

Cuka ah cun a kut a zengmipa pakhat a rak um. Khika i a ummi hna lakah khan Jesuh cu sualphawt a duhmi an um caah amah cu, “Sabbath ni ah hin mi damter phung a si maw si lo?” tiah an hal.

MARKA 2:24

Cucaah Farasi mi hna nih khan Jesuh cu an thawh i, “Zohhmanh, na zultu hna nih sabbath ni ah an tuahmi hi kan Phung he aa ralchanhmi a si,” an ti.

MARKA 3:4

Cun mizapi cu a thawh hna i, “Kan Phung nih sabbath ni ah zeidah tuah a kan onh? Ṭhatnak nan tuah lai, a ti maw ṭhat lonak nan tuah lai, a ti dah?” tiah a ti hna. Sihmanhsehlaw bia kaa khat hmanh an chim lo.

LUKA 13:14

Pumhnak inn zohkhenhtu cu Jesuh nih Sabbath ni ah mi a damter caah khan a thin a hung i, “Rianṭuannak dingah ni ruk pei a um ko cu; cucaah cun cu ni ruk chungah cun tah nan rat i nan rak i damter; Sabbath ni ah hin cun ti hlah ngat u,” tiah mizapi cu a hun ti hna.

LUKA 23:56

Cun inn ah an ṭin i a ruak caah khan zihmui le sathau kha an timh. Sabbath ni ah cun Nawlbia bangin an i din.

LUKA 6:2

Farasi mi a cheukhat nih an i thawh i, “Zeicahdah kan Phung nih Sabbath ni ah nan tuah kho lo a timi nan tuah?” an ti.

JOHAN 1:19

Jerusalem khua Judah upa hna nih tlangbawi hna le Levi mi hna cu Johan sinah khan an hei thlah hna i, “Ahodah na si?” tiah an va hal.

JOHAN 5:11

Anih nih, “A ka damtertu nih pei, ‘Na ihphah kha i put law kal,’ a ka ti cu,” tiah a leh hna.

JOHAN 5:15

Cu tikah mipa cu a va kal i a damtertu kha Jesuh a si tiah Judah upa kha a va chimh hna.

JOHAN 5:16

Damnak kha Sabbath ni ah a tuah caah Jesuh nih cun Judah mi cu an thin a phawh hna i amah kha ral hram an thawk.

JOHAN 7:23

Cucaah Moses Nawl buar lonak ding caah Sabbath ni hmanh ah nan fale cu an cuarpar nan tan hna ahcun, zeicahdah kei nih Sabbath ni ah mi kha tlamtling tein ka damter caah ka cungah nan thin a hun?

JOHAN 9:16

Farasi mi a cheu nih cun, “Hi thil a tuahtu hi Pathian sinin a rami a si kho lai lo, zeicahtiah Sabbath ni phung kha a buar,” an ti. Sihmanhsehlaw a cheu nih khan, “Zeitindah misual a simi nih cun cu bantuk hmelchunhnak cu a tuah khawh lai,” an ti ve. Cucaah cun an i cheu.