JOHAN 4:53 - Lai (Hakha) Common Language Bible 2006

⁵³ Cu caan te cu Jesuh nih, na fa a nung lai, tiah a chim caan a si kha mipa nih cun a hngalh. Cucaah amah le a innchungkhar dihlak nih an zumh.

Laibaibal Thiang (BSI)

⁵³ Cu cân cu Jesuh nih apa sinah, “Na fapa cu a nung cang,” a ti lio cân kha a si ti kha a hun hngalh, cuticun amah le chungkhar dih lak nih an zumh.

JOHAN 4:53 Iomraidhean Croise

SALM 107:20

A nawlbia in a damter hna i thlan chungin a khamh hna.

SALM 33:9

Bia a chim i vawlei cu a hung um, nawl a pek i zeizong vialte an hung chuak.

MATTHAI 8:13

Cun Jesuh nih ralbawipa cu a thawh i, “Inn ah va ṭin law na zumhmi cu tuahpiak na si lai,” tiah a ti. Cun ralbawi sal cu, cu caan hrimhrim ah cun a rak dam.

LUKA 19:9

Jesuh nih a thawh i, “Nihin ah hi inn ah khamhnak a phan; hi pa zong hi Abraham tefa a si ve.

JOHAN 4:51

Lampi in a sinum nih khan an rak don i, “Na fapa cu a nung ko lai,” tiah an rak chimh.

JOHAN 4:52

A fapa a dam deuh cu zeitik ah khan dah a si, tiah a hal hna tikah, “A taklinh a daih cu ni zan chun suimilam pakhat ah khan a si,” tiah an ti.

LAMKALTU 11:14

Amah nih cun bia an chimh hna lai i cu bia thawng cun khamhnak nan hmuh lai,’ tiah a chimtu a hmuhnak kha a kan chimh.

LAMKALTU 16:15

Amah le a innchung i a ummi hna nih khan tipilnak an in. Cun a kan thawh i, “Keimah cu Bawipa zumtu taktak ah nan ka ruah a si ahcun, ra u law ka inn ah ra ka tlung u,” tiah a kan sawm.

LAMKALTU 16:34

Paul le Silas cu a inn ah a hun kalpi hna i rawl a pek hna. Amah nih Pathian kha a zumh caah amah le a innchungkhar cu lunglawmhnak in an khat.

LAMKALTU 18:8

Pumhnak inn i haotu a simi Krispas le a chungkhar dihlak nih khan an zumh; cun Korinth khua chung i mi tampi hna nih khan bia cu an theih i an zumh i tipilnak an in.

LAMKALTU 2:39

Zeicahtiah Pathian nih bia a kamhmi hna cu nanmah hi le nan fale hna hi le lam hlat pipi i a ummi hna zong nan si — Bawipa kan Pathian nih an kawhmi hna paoh caah hin a si,” tiah a ti.