JOHAN 4:22 - Lai (Hakha) Common Language Bible 2006

²² Nannih Samaria mi nih cun nan biakmi kha nan hngal taktak lo, kannih Judah mi tu nih cun, kan biakmi cu kan hngalh, zeicahtiah khamhnak cu Judah mi sinin a rami a si.

Laibaibal Thiang (BSI)

²² Nannih nih nan biakmi nan hngalh lo, kannih nih kan biakmi kha kan hngalh, zeitintiah khamhnâk cu Judah mi hna ta a si.

JOHAN 4:22 Iomraidhean Croise

GENESIS 49:10

A bawifung kha a hler i a ke le a ke karlak ah a chiah; a lianhngannak cu, a ngeitu taktak a rat i, cu nih cun mi vialte a uk hna hlantiang amah nih aa chiah ko lai.

EZRA 4:2

Zerubbabel le pale innchungkhar lu a si ciomi kha an fuh hna i annih cu an thawh hna i, “Kan in sakpi hna lai; zeicahtiah nan Pathian cu nanmah bantukin kannih zong nih kan biak i Assiria siangpahrang Esarhaddon nih hika ah a kan ratpi thawk in atu tiang Pathian sinah cun rai kan thawi ve ko”, tiah an ti.

SALM 147:19

Jakob cu a bia kha a chimh, Israel cu a nawlbia le a phunglam kha a pek.

SALM 68:20

Kan Pathian cu mi a khamhtu Pathian a si, amah cu Bawipa kan Bawipa, thihnak chungin a kan chuahtu a si.

ISAIAH 12:2

Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si.

ISAIAH 12:6

Zion i a ummi paohpaoh cu au u law hla sa u. Israel Pathian thiang cu a lianngan i a mi hna sinah khua a sa.”

ISAIAH 2:3

mi tampi nih an i thawh lai i, “Bawipa tlang ah cun hung kal u sih, Israel Pathian biakinn ahcun hung kal u sih. Tuah hna seh ti a kan duhmi tuah kha kan thiam lai i a kan thimpiakmi lam kha kan zulh lai,” an ti lai. Bawipa cawnpiaknak cu Jerusalem in a ra i a mi hna sinah Zion in bia a chim.

ISAIAH 46:13

Sihmanhsehlaw teinak ni cu lamnai ah ka ratpi cang — a hla hrimhrim ti lo. Ka teinak ni cu a rau ti lai lo. Jerusalem cu ka khamh lai i khika ah Israel mi cu upatnak ka pek hna lai,” a ti.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

LUKA 24:47

cun amah min in sual ngaihchihnak le sual ngaihthiamnak kong kha Jerusalem khua in i thawk in miphun vialte hna sinah chim a si lai,’ tiah aa ṭial.

LAMKALTU 17:23

Zeicahtiah nan khua chung i kaa chawh i nan biaknak hmun kha ka zoh hna tikah biakṭheng pakhat cu a cungah “Hngalh lomi Pathian Caah” tiin aa ṭial kha ka hmuh. Cu nan biakmi cu, a hngalh cu hngal hmanh hlah u law, nan sin i kan thanhmi hna hi a si.

LAMKALTU 17:30

Pathian nih hin, minung nih an rak hngalh lo lio caan kha cu hmu duh loin a rak umpiak ko hna, sihmanhsehlaw atu cu khuazeika i a ummi minung hmanh, nan nuncan ṭhalo kha mertak cang hna u, tiah a ti hna.

LAMKALTU 3:26

Cucaah Pathian nih a Sal cu a thim i nan sinah a hmasa bik ah a rak thlah, cuti in a rak thlahnak cu, nan ziaza ṭhalo kha nan mertak hna i thluachuahnak an pek hna nakhnga caah a si,” tiah a ti.

ROM 11:18

Cucaah khiahmi nge bantuk a simi kha porhlawthnawh hna hlah u. Zeitindah nan lung a puam ngam? A nge pei nan si ko cu; a hram cu nanmah nih nan cawm ṭung lo, a hram nih pei an cawm hna cu.

HEBRU 7:14

Judah phun chungin a chuakmi a si ti kha fiang tein hngalh a si i Moses nih tlangbawi kong a chim tikah hi phun kong hi a telh lo.